ۇلتتىق ەكونوميكا مينيسترٸ ەلٸبەك قۋانتىروۆ ٶڭٸرلەردٸ بٶلۋ كەزٸندە بيۋدجەت پەن مەملەكەتتٸك اپپارات قالاي قارالاتىنىن ايتتى, - دەپ حابارلايدى Tengrinews.kz.
مينيستردٸڭ ايتۋىنشا, قازٸر كوميسسييا جۇمىس ٸستەپ جاتىر, جاڭا ايماقتاردىڭ شەكاراسى مەن حالىق سانى ناقتىلانعاننان كەيٸن ٶڭٸرلەر بيۋدجەتٸ انىقتالادى. بۇل رەتتە بۇرىننان بار ايماقتار بيۋدجەتٸ قىسقارادى, دەدٸ ول.
"مٸندەتتٸ تٷردە قىسقارادى, ٶيتكەنٸ ولاردىڭ بيۋدجەتٸ مەن شتاتى قايتا بٶلٸنەدٸ. ەگەر ول جەردە شارتتى تٷردە جۇمىسشىلاردىڭ 30 نەمەسە 40 پايىزى جاڭا ٶڭٸرگە, مىسالى, ۇلىتاۋعا كەتسە, تيٸسٸنشە, بيۋدجەتتٸڭ شامامەن 30-40 پايىزى سول جەرگە كەتۋٸ كەرەك. ياعني, قايتا بٶلٸنەدٸ. ەرينە, بار بيۋدجەتتٸ قولدانۋ قۇپتارلىق بولار ەدٸ, بٸراق قوسىمشا بيۋدجەت قاراجاتىن قاجەت ەتۋٸ مٷمكٸن", - دەدٸ قۋانتىروۆ ٷكٸمەت وتىرىسىنان كەيٸن جۋرناليستەر سۇراعىنا جاۋاپ بەرٸپ.
