Mádeniet jáne sport ministri Aqtoty Raiymqulova terminderdi ózgertý sharalary týraly áńgimeledi, dep habarlaidy Sputnik Qazaqstan tilshisi.
Ministrdiń aitýynsha, halyqaralyq terminderdi qazaq tiline qaitarý úshin terminologiialyq qorǵa monitoring júrgizildi. Osyǵan orai buryn qazaq tiline aýdarylǵan 3 300-nan astam jalpyǵa birdei qabyldanǵan termin men uǵym qaita qaralyp bekitildi.
"Olardyń 300-ge jýyǵy – halyqaralyq terminder. Mysaly, "murajai" degen sóz "mýzei" bolatyn boldy. Muraǵat – arhiv, taǵy sondai-sondai nárseler", – dedi Raiymqulova búgingi esep berý kezdesýinde.
Budan bólek, azatjol – abzats, paiyz – protsent, synyp – klass, qursym – shina, teńgerim – balans, ánuran – gimn, muqammal – inventar, aqaý – defekt, shegendeý – demarkatsiia, meiramhana – restoran, qimyl – animatsiia, al "áleýet" degen sóz "potentsial" bolyp qaita ózgertildi.
"Búginde "Termincom.kz" saitynyń negizinde terminologiianyń qazirgi jaǵdaiy men negizgi qaǵidalary týraly aqparattandyrý úshin elektrondy platforma iske qosyldy", - dep atap kórsetti Raiymqulova.
