Eńbek jáne halyqty áleýmettik qorǵaý ministrliginiń jańa basshysy Mádina Ábilqasymova kúnine 8 saǵattyq jumys tártibin saqtaýǵa shaqyrdy, dep habarlaidy Ult.kz tilshisi QazAqparat agenttigine silteme jasap.
«Bizde «Memlekettik qyzmet týraly» Zańǵa sáikes, ár adam kúnine 8 saǵat jumys isteýi kerek. Men memlekettik qyzmetshiler osyǵan kelgende ózinen bastaýy tiis dep esepteimin. Eger eńbek kodeksinde segiz saǵattyq jumys týraly jazylyp tursa, ony saqtap, jumys, otbasy men ózge de sharýalarǵa qatysty durys balansty tapqan abzal», - deidi Mádina Ábilqasymova.
Aita ketsek, buǵan deiin QR Bilim jáne ǵylym ministri Erlan Saǵadiev memlekettik qyzmetshilerdi ýaqtyly úiine qaitarýdy suraǵan bolatyn.
«Ata-analar jumysynan ýaqtyly shyǵa almaýy sebepti, balalaryn tárbieleýge qajetti ýaqytty taba almai jatady. Olardyń arasynda memlekettik qyzmetshiler de bar. Qazirgi ýaqytta mektepterdegi ata-analar jinalysyna jalpy synyptan 10-15 ata-ana ǵana qatysady», - degen bolatyn Erlan Saǵadiev.
