2021 jyldyń shildesinde kúshine enetin jańa Ákimshilik rásimdeý-protsessýaldyq Kodeksine qatysty Joǵarǵy sottyń sýdiasy Aslan Túkiev pikir bildirdi, dep habarlaidy Baq.kz agenttigi.
Bul Kodekstegi óte kóp bap azamat pen memlekettik organdar arasyndaǵy daýlarda azamattarǵa kómek kórsetiledi, - dedi ol.
Sýdia aitqandai, qazir azamattardyń ózderi memlekettik organnyń sheshimi durys emes ekenin dáleldeýi kerek.
Aryz durys jazylmasa, rásimdelmese, sot qarastyrýdan bas tartýy kerek. Jańa Kodeks boiynsha sýdia durys rásimdeýge kómektesýi kerek jáne memlekettik organ sheshimi durys ekenin dáleldeýi kerek. Buryn osy máseleler azamattyq protsessýaldyq Kodekste qarastyrylǵan. Onda eki tarap birdei bolǵan. Sondyqtan 80% sotta memlekettik organ jeńgen, endi basqasha bolady, - deidi Aslan Sultanuly.
Onyń aitýynsha, endi azamattar sotta kóbirek jeńetin bolady.
Bul memlekettik organdardyń azamattardyń aldynda jaýapkershiligi men tártibin arttyrady. Jańa Kodekstiń qabyldanýyna bailanysty jiyrma bir sot qurylýda. Jańa sýdialar jumysqa iriktelip qabyldanady, - dedi ol.
Aita keteiik, biyl shildeden bastap Ákimshilik rásimdik-protsestik kodeks qoldanysqa engiziledi. Kodekste azamattardyń múddelerin, onyń ishinde memlekettik organdardyń negizsiz jáne jetkilikti túrde ýájdelmegen sheshimderinen qorǵaýǵa arnalǵan qaǵidattar engiziledi.
