Qazaqstan úshin biyl kóptegen saiasi reformalar men jańa kózqarastarǵa negizdelgen ózgerister iske asyp jatyr. Bul tizimge aldymyzda tosyp turǵan kezekten tys prezident sailaýyn qossaq ta bolady. Kezekten tys dep aty aityp turǵanyndai, sailaý erterek ótkeli tur. Nege?
Birinshiden, jyl basynan beri elimizde saiasi júie jańara tústi. Burynǵydai emes, qazir biliktegilerdiń jaýapkershiligi artyp, halyq aldynda ashyq esep bere bastady. Ekinshiden, kórshi elderdegi geosaiasi ahýal kún saiyn ýshyǵyp barady. Alaýyz bolǵan elderge qarap, qaýipsizdigimiz ben turaqtylyǵymyzdy oilap, biz de aldyn ala qamdanbasqa bolmaidy. Osy úshin Memleket basshysy Qasym-Jomart Toqaevtyń sailaý ótkizý týraly sheshimin durys dep bilemin. Alysty boljap baryp jasalǵan qadam ekeni daýsyz. Onyń ústine prezidenttiń ókiletti merzimi bir kezeńmen ǵana shekteldi.
Barlyq dúnieni, saiasi protsessterdi halyq belsendi túrde muqiiat baqylap otyr. «Halyq – biliktiń ainasy» dep beker aitpaidy. Sondyqtan ádiletsiz áreketter bolýy múmkin emes. El óz tańdaýyn jasap, basshysyn bas qylyp, jańa kezeńniń qaqpasyn ashýy tiis. Munyń bári demokratiialyq baǵytty negizge alyp jasalyp jatqany anyq. Adam haqyn, oi erkindigin, tyń kózqaras pen kelisti keleshekti osylaisha qalyptastyra alamyz. Bul bastamalardyń berekeli bolýynda árkimniń de moinynda jaýapkershilik bar. Sol sebepti birlesip, el bolyp jumylyp, ózgeristerdi qoldaýymyz qajet dep oilaimyn.
Ádil Qoitanov,
Ulttyq memlekettik kitap palatasynyń direktory
