Shyǵys Qazaqstan oblysynda karantin talaptary qatańdatyldy, dep habarlaidy "Ult aqparat".
ShQO Bas memlekettik sanitarlyq dárigeriniń jańa qaýlysy jariialandy. Onda jazylǵandai, óńir boiynsha karantin 3 mamyrǵa deiin uzartyldy. Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
Búginde koronavirýs juqtyrǵan naýqastardy emdeýge arnalǵan infektsiialyq statsionarlardaǵy tósek qorynyń toltyrylý deńgeii – 6,4%. Oblys boiynsha infektsiianyń reprodýktivtik R sany – 1,372 .
«Borodýliha, Shemonaiha, Úrjar, Zaisan, Aiagóz aýdandary men Semei qalasynyń ákimderi, ShQO densaýlyq saqtaý basqarmasy, ShQO memlekettik kirister jáne politsiia departamentteri, qalalar men aýdandardyń sanitarlyq-epidemilogiialyq baqylaý basqarmalary Almaty oblysy tarapyna qoiylatyn - 2, Qaraǵandy oblysynyń tusyndaǵy - 1 jáne Aiagóz aýdany aýmaǵyndaǵy 2 sanitarlyq bekettiń jumysyn qamtamasyz etýi tiis.
«Qyzyl» aimaqtaǵy óńirden keletin adamda sanitarlyq beketterdi kesip ótken kezde COVID-19 infektsiiasynyń joqtyǵyn rastaityn PTR-synamanyń teris nátijesi týraly (merzimi úsh táýlikten aspaityn) anyqtamanyń bolýy mindetti. Biraq bul talap Aiagóz aýdany shekarasyndaǵy oblysishilik sanitarlyq beketterge qoldanylmaidy», - delingen qujatta.
Sonymen qatar Óskemen, Semei qalalary men Aiagóz aýdanynyń ákimderi, memlekettik, quqyq qorǵaý jáne arnaiy organdar áleýmettik-ekonomikalyq obektilerde karantin shekteýleriniń saqtalýyn qadaǵalaýy tiis.
«Qyzyl» aimaqqa kirgen atalǵan 3 qaladaǵy obektilerdiń jumysyna birqatar shekteý engizilgen. Atap aitqanda, ǵimarat syrtyndaǵy azyq-túlik jáne sharýashylyq zattar saýdalaityn bazarlar senbi kúni saǵat 17.00-ge deiin jumys istep, jeksenbi kúni jabyq bolady.
Ǵimarattardyń ishindegi bazarlar demalys kúnderi múlde jumys istemeidi.
Azyq-túlik emes taýarlardy satatyn saýda obektileri jumys kúnderi ǵana saǵat 21.00-ge deiin kelýshilerdi qabyldaidy.
Al qoǵamdyq tamaqtaný obektileri saǵat 09.00-den 20.00-ge deiin ashyq bolady.
Sondai-aq mektepke deiingi balalar mekemelerinde 15 adamnan aspaityn toptardy jinaqtaý saqtalǵan kezde kezekshi toptardyń bolýyna ruqsat berilgen. Kórermenderdiń qatysýymen buqaralyq sporttyq is-sharalardy ótkizýge de tyiym salyndy», - delingen qaýlyda.
