QR DSM Sanitariialyq-epidemiologiialyq baqylaý komiteti saitynda Bas memlekettik sanitar dárigeri Erlan Qiiasovtyń jańa qaýlysy jariialandy, dep habarlaidy "Ult aqparat".
Jańa qaýlyǵa sáikes, 5 adamnan aspaityn jeke jáne toptyq jattyǵýlar úshin sport keshenderiniń qyzmetine ruqsat berilgen.
Sonymen qatar, maska rejimin jáne keminde 2 metr qashyqtyqty saqtai otyryp, 15 adamnan aspaityn jeke jáne uiymdasqan toptar úshin erekshe qorǵalatyn tabiǵi aýmaqtarǵa (memlekettik ulttyq tabiǵi parkterge, qoryqtarǵa, rezervattarǵa jáne basqalarǵa) barýǵa múmkin bolady.
Osy qaýlyǵa 3-qosymshaǵa sáikes, algoritmdi saqtai otyryp, keńesterdi (otyrystardy) kózbe-kóz rejimde ótkizýge ruqsat berý (olardy qashyqtyqtan ótkizý múmkindigi bolmaǵan kezde) eskerilgen.
Budan bólek, óńirlerdegi epidemiologiialyq jaǵdaidy eskere otyryp, «Baldáýren» respýblikalyq oqý-saýyqtyrý ortalyǵy» jáne «Bóbek» Ulttyq ǵylymi-praktikalyq bilim berý jáne saýyqtyrý ortalyǵy» RMQK qyzmetin jalǵastyrý qarastyrylǵan.
Arnaiy, mamandandyrylǵan uiymdardyń, erekshe bilim berý qajettiligi bar balalarǵa arnalǵan arnaiy mektep-internattardyń (onyń ishinde ata-anasynyń qamqorlyǵynsyz qalǵan jetim balalarǵa arnalǵan), jalpy úlgidegi mektep-internattardyń, daryndy balalarǵa arnalǵan mektep-internattardyń qyzmetine ruqsat berildi.
Aita keteiik, kórermenderdiń qatysýynsyz, bir mezgilde 100 adamnan asyrmai jinaqtai otyryp, QR BMSD №67 qaýlysynyń talaptaryn jáne tiisti aýmaqtardyń bas sanitariialyq dárigerleriniń kelisimi boiynsha kúsheitilgen sanitariialyq-dezinfektsiialyq rejimdi saqtaǵan jaǵdaida, Qazaqstan Respýblikasynyń chempionattaryn jáne respýblikalyq jarystardy (biryńǵai respýblikalyq kúntizbe boiynsha) ótkizýge múmkindik jasalady.
Bir mezgilde 30 adamnan asyrmai jinaqtai otyryp, kúsheitilgen sanitariialyq-dezinfektsiialyq rejimdi saqtai otyryp, oblystyq komandalardy daiarlaý úshin oqý-jattyǵý jiyndary qaita bastalady.
«Osy qaýlyǵa 4-qosymshaǵa sáikes ólshemsharttar negizinde áleýmettik-ekonomikalyq obektilerdiń qyzmetin shekteýdi qamtamasyz etsin. Bul rette kúsheitilgen karantindik sharalar qabyldanǵannan keiin keminde 14 kún saqtalady. Karantindik sharalardy jeńildetý sary nemese jasyl aimaqqa kóshkennen keiin 2 aptadan erte júrgizilmeidi.
Osy qaýly qol qoiylǵan kúnnen bastap kúshine enedi.
Atalǵan qaýlynyń tolyq nusqasymen myna jerden tanysýǵa bolady.
