QR Bas sanitar dárigeri Erlan Qiiasovtyń jańa qaýlysy boiynsha 10 memleketten kelgen jolaýshylar 7 kúnge oqshaýlanady, dep habalaidy QazAqparat.
«Osy qaýlyǵa qosymshada kórsetilgen elderden Qazaqstan Respýblikasyna kelgen jáne sońǵy 14 kún ishinde baryp kelgen adamdar 7 kúnge úide oqshaýlansyn (úi karantini). Úi karantinine oqshaýlaý PTR ádisimen COVID-19-ǵa testileýdiń teris nátijesi bar anyqtamanyń jáne COVID-19-ǵa qarsy vaktsinatsiialaýdyń bar-joǵyna qaramastan júrgiziledi», - dep jazylǵan qaýlyda.
Atalmysh qosymshadaǵy tizimde Izrail, Chehiia, Niderland, Ulybritaniia, Italiia, Germaniia, Aýstraliia, Kanada, Belgiia jáne Egipet memleketteri kórsetilgen.
Sondai-aq, qujatta Qazaqstan Respýblikasyna shetelden aviareistermen keletin úkimettik delegatsiialar men aviakompaniia ekipajdarynan basqa adamdardyń bári termometriiadan, saýalnamadan ótetini aitylǵan.
Qaýly 3 jeltoqsanda saǵat 00.00-den bastap kúshine enedi. Qujattyń tolyq mátinin myna siltemeden oqýǵa bolady.
