QR bas sanitar dárigeriniń jańa qaýlysy boiynsha maska rejimi saqtalýy tiis nysandarǵa qoiylatyn talaptar belgilendi, dep habarlaidy QazAqparat.
«Osy qaýlyǵa qosa berilgen 1-qosymshaǵa sáikes memlekettik organdarǵa (uiymdarǵa), ulttyq kompaniialarǵa, biznes-ortalyqtaryna jáne basqa da keńselerge qoiylatyn talaptardy saqtalsyn», - delingen qaýlyda.
Ol talaptar mynadai:
1. Jumys oryndaryn jáne kelýshiler úshin bólmelerin turaqty jeldetip otyrý qajet.
2. Obektiniń úi-jailaryna maskasyz kirýge jol berilmeidi, ǵimaratqa kelýshilerdiń 5 jasqa deiingi balalardan basqalardyń bári mindetti túrde maska kiiýi qamtamasyz etiledi.
3. Kireberiste, holda, sanitariialyq toraptarda teri antiseptigi bar sanitaizerler ornatylady.
4. Organnyń (uiymnyń) ákimshiligi:
1) sanitariialyq toraptar jeke gigiena quraldarymen (suiyq sabyn, antiseptikter);
2) jumys kúni ishinde maskalardy olardy ýaqtyly aýystyrý shartymen paidalanýdy;
3) antiseptiktermen jumys oryndaryn;
4) qyzmetkerler arasynda jeke/óndiristik gigiena qaǵidalaryn saqtaý jáne olardyń múltiksiz saqtalýyn baqylaý qajettiligi týraly nusqama júrgizýdi qamtamasyz etedi.
5. Obektilerdiń aýmaǵy jáne barlyq úi-jailar taza ustalady, kún saiyn qoqystan jáne lastan tazartylady.
6. Barlyq úi-jailardy jinaý jýý jáne dezinfektsiialaý quraldaryn qoldana otyryp, kún saiyn ylǵaldy tásilmen jeldetý júrgiziledi.
7. Dezinfektsiialaý júrgizý úshin Qazaqstan Respýblikasy men Eýraziialyq ekonomikalyq odaq aýmaǵynda tirkelgen jáne belgilengen tártippen qoldanýǵa ruqsat etilgen jáne Eýraziialyq ekonomikalyq odaq elderiniń memlekettik tirkeý týraly kýálikteriniń biryńǵai tizilimine engizilgen quraldar qoldanylady.
8. Dezinfektsiialaý quraldary virýstyq infektsiialar kezinde dezinfektsiialaý rejimi kórsetilgen olarǵa qosa beriletin nusqaýlyqtardy qatań saqtaǵan kezde qoldanylady.
9. Dezinfektsiialaý quraldarynyń jumys eritindilerin daiyndaý arnaiy bólingen orynda júzege asyrylady. Dezinfektsiialaý quraldary ónim berýshiniń ydysynda (qaptamasynda) zattyń ataýy, onyń maqsaty, zattańbadaǵy jaramdylyq merzimi kórsetile otyryp saqtalady. Ydystyń zattańbasy dezinfektsiialaý quralyn saqtaýdyń (paidalanýdyń) barlyq kezeńinde saqtalady.
10. Tehnikalyq personal (tazalaýshy áielder) dezinfektsiialaýdy jeke qorǵanysh quraldaryn: halat, qolǵap, meditsinalyq maskani paidalana otyryp júrgizedi.
11. Densaýlyq jaǵdaiy boiynsha qarsy kórsetilimderi joq kámeletke tolǵan adamdar dezinfektsiialyq quraldarmen jumys isteidi.
Qaýlynyń tolyq mátinin myna jerden kórýge bolady.
