Foto: Tengrinews.kz
Epidemiologiialyq jaǵdaidy baǵalaý matritsasyna sáikes "jasyl" jáne "sary" aimaqtarda ornalasqan óńirlerde bilim berý uiymdarynda shekteýler alyndy, - dep habarlaidy Tengrinews.kz tilshisi.
Eń aldymen, áleýmettik qashyqtyqty mindetti túrde saqtaýǵa qoiylatyn talaptar alynyp tastaldy.
Sonymen qatar, kún saiynǵy "kirý" súzgisine (janaspaityn termometrmen termometriia) qoiylatyn talaptar alyndy.
Ashyq-ty paidalaný, áleýmettik qashyqtyqty saqtaý jáne termometriia júrgizý bilim berý uiymdary ákimshiliginiń sheshimi boiynsha erikti túrde júzege asyrylýy múmkin.
Epidemiologiialyq jaǵdaidy baǵalaý matritsasyna sáikes óńir "qyzyl" aimaqqa aýysqan kezde menshik nysanyndaǵy jáne vedomstvolyq tiisti bilim berý uiymdarynda Ashyq mobildi qosymshasyn mindetti túrde paidalaný, áleýmettik qashyqtyqty saqtaý jáne kún saiynǵy kirý súzgisin (janaspaityn termometrmen termometriia) júrgizý qamtamasyz etiledi.
Barlyq menshik nysanyndaǵy jáne vedomstvolyq tiisti bilim berý uiymdarynyń basshylary "2021-2022 oqý jylynda bilim berý uiymdarynda koronavirýstyq infektsiianyń aldyn alý jónindegi sanitariialyq-epidemiiaǵa qarsy jáne sanitariialyq-profilaktikalyq is-sharalardy júrgizý týraly" Qazaqstan Respýblikasynyń Bas memlekettik sanitariialyq dárigeriniń 2021 jylǵy 25 tamyzdaǵy № 36 qaýlysynyń osy qaýlyǵa qaishy kelmeitin bóligindegi talaptaryn qatań saqtaý qamtamasyz etiledi.
Osy qaýlynyń oryndalýyn bas memlekettik sanitariia dárigeri Aijan Esmaǵambetova óz baqylaýyna qaldyrady.
Qaýly qol qoiylǵan kúnnen bastap kúshine enedi.
