QR Kóliktegi bas sanitar dárigeriniń jańa qaýlysy shyqty, dep habarlaidy "Ult aqparat".
COVID-19 indetine bailanysty «qyzyl» aimaqqa jatqyzylǵan óńirlerde «Ashyq» jobasyna qatyspaityn áýejailarǵa kútip alýshylar men shyǵaryp salýshylardyń kirýi shekteletin boldy.
Kóliktegi bas sanitar dárigerdiń jańa qaýlysynda osyndai norma qarastyrylǵan.
«Táýekeli joǵary («qyzyl» aimaq) óńirlerde, «Ashyq» jobasyna qatysatyn áýejailardy qospaǵanda, kútip alýshylar jáne shyǵaryp salýshylardy áýejailar ǵimarattaryna kirgizýdi shekteý qamtamasyz etilsin», - dep jazylǵan qujatta.
Temirjol vokzaldaryna da dál osyndai talap qoiylyp otyr. «Qyzyl» aimaqtaǵy óńirde «Ashyq» jobasyna qatyspaityn vokzaldardyń barlyǵynda kútip alýshylar men shyǵaryp salýshylardyń ǵimaratqa kirýine tyiym salyndy.
Qaýly qol qoiylǵan sátinen - 11 mamyr, saǵat 20.15-ten bastap kúshine enedi.
