Atyraýda qoǵamdyq tamaqtaný nysandarynyń tún ortasyna deiin jumys isteýine ruqsat berildi, dep habarlaidy "Ult aqparat".
Bul týraly oblystyń bas sanitar dárigeri Mádeniet Tanaýovtyń jańa qaýlysynda aitylǵan.
«Qoǵamdyq tamaqtaný obektilerine, onyń ishinde jazǵy alańdarda saǵat 07:00-den 24:00-ge deiin (ujymdyq is-sharalar ótkizbei, 50-den aspaityn otyratyn oryn ornatyp, ústelder arasyndaǵy qashyqtyq keminde 2 metr saqtalýyn, bir ústelde 4 adamnan artyq otyrǵyzbaýdy qamtamasyz etip) jumys jasaýǵa ruqsat etiledi. Alańdarda, parkterde, skverlerde, jaǵalaýlarda balalar men eresekterge arnalǵan jyljymaly oiyn quraldaryn jalǵa berýdiń, ýaqytsha bólshek saýdanyń ornalasý orny men jumys kestesin jergilikti atqarýshy organdarmen kelisý boiynsha anyqtasyn» delingen qujatta.
Jańa qaýly 2021 jylǵy 10 mamyrda saǵat 00:00-den bastap zańdy kúshine enedi.
