اتىراۋدا قوعامدىق تاماقتانۋ نىساندارىنىڭ تٷن ورتاسىنا دەيٸن جۇمىس ٸستەۋٸنە رۇقسات بەرٸلدٸ, دەپ حابارلايدى "ۇلت اقپارات".
بۇل تۋرالى وبلىستىڭ باس سانيتار دەرٸگەرٸ مەدەنيەت تاناۋوۆتىڭ جاڭا قاۋلىسىندا ايتىلعان.
«قوعامدىق تاماقتانۋ وبەكتٸلەرٸنە, ونىڭ ٸشٸندە جازعى الاڭداردا ساعات 07:00-دەن 24:00-گە دەيٸن (ۇجىمدىق ٸس-شارالار ٶتكٸزبەي, 50-دەن اسپايتىن وتىراتىن ورىن ورناتىپ, ٷستەلدەر اراسىنداعى قاشىقتىق كەمٸندە 2 مەتر ساقتالۋىن, بٸر ٷستەلدە 4 ادامنان ارتىق وتىرعىزباۋدى قامتاماسىز ەتٸپ) جۇمىس جاساۋعا رۇقسات ەتٸلەدٸ. الاڭداردا, پاركتەردە, سكۆەرلەردە, جاعالاۋلاردا بالالار مەن ەرەسەكتەرگە ارنالعان جىلجىمالى ويىن قۇرالدارىن جالعا بەرۋدٸڭ, ۋاقىتشا بٶلشەك ساۋدانىڭ ورنالاسۋ ورنى مەن جۇمىس كەستەسٸن جەرگٸلٸكتٸ اتقارۋشى ورگاندارمەن كەلٸسۋ بويىنشا انىقتاسىن» دەلٸنگەن قۇجاتتا.
جاڭا قاۋلى 2021 جىلعى 10 مامىردا ساعات 00:00-دەن باستاپ زاڭدى كٷشٸنە ەنەدٸ.
