Almatynyń bas sanitar dárigeri Jandarbek Bekshin «Bilim berý mekemelerindegi koronavirýs infektsiiasynyń taralýynyń aldyn alý jónindegi talaptar týraly» jańa qaýlyǵa qol qoidy, dep habarlaidy QazAqparat.
Qaýlyǵa sáikes, bógde adamdardyń kirýine tyiym sala otyryp, COVID-19-ǵa qarsy ekpe alǵan (18 jasqa tolmaǵan, sondai-aq turaqty meditsinalyq qarsy kórsetilimderi bar jáne sońǵy 3 ai ishinde COVID-19-ben aýyryp jazylǵan) stýdentterdi jataqhanaǵa ornalastyrýdy qamtamasyz etý kerek.
Sonymen qatar, oqý orny boiynsha aýmaqtyq meditsinalyq uiymdardyń egý pýnktterinde (jyljymaly egý pýnktterin nemese kóshpeli egý brigadalaryn qosa alǵanda) COVID-19-ǵa qarsy vaktsinatsiialaýdyń tolyq kýrsyn (ekinshi komponentpen) aiaqtamaǵan stýdentterge vaktsinatsiia júrgizýdi uiymdastyrý qajet.
Sheteldik stýdentter tómende kórsetilgen talaptar oryndalǵan jaǵdaida kúndizgi oqý formatyna jiberiledi:
- turatyn eldiń ýákiletti organy bekitken vaktsinatsiialaý anyqtamasymen/pasportymen rastalǵan COVID-19-ǵa qarsy vaktsinatsiialaýdyń tolyq kýrsy;
- Qazaqstan Respýblikasynyń Memlekettik shekarasynan ótkennen keiin 3 táýlikten keshiktirmei alynǵan PTR testileýdiń teris nátijesi.
Mektepke deiingi jáne orta bilim berý uiymdaryna, kolledjderge, joǵary oqý oryndaryna, ashanalar men býfetterge:
- respiratorlyq infektsiia belgileri bar adamdarǵa (jótel, murynnyń bitelýi, dene temperatýrasy 37 gradýstan joǵary);
- QR-kod boiynsha tirkeý kezinde «sary» jáne «qyzyl» mártebesi bar adamdarǵa;
- COVID-19-ǵa qarsy vaktsinatsiiasy joq pedagogtar men personalǵa (turaqty meditsinalyq qarsy kórsetilimderi bar, saýyqqannan keiin 3 ai ishinde aýyryp jazylǵan adamdardy qospaǵanda) kirýge jol berilmeidi.
Qujattyń tolyq mátinimen myna jerden tanysýǵa bolady.
