Jańa astyqtyń sapalyq kórsetkishteri aitarlyqtai joǵary. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Jańa astyqtyń sapalyq kórsetkishteri aitarlyqtai joǵary. Dánmańyzy 28 paiyzdan joǵary bidai kólemi - jinalǵan astyqtyń jalpy kóleminiń 74 paiyzyna jetti. Álemdik naryqta osyndai sapasy joǵary bidaiǵa suranys joǵary ekenin eskerý qajet. Forvardtyq satyp alý baǵdarlamasy aiasynda «Azyq-túlik korporatsiiasyna» bidai jetkizýdi qamtamasyz etý kerek», - dedi Asqar Mamin.
Úkimet basshysy oblystardyń ákimdikteri men Aýyl sharýashylyǵy ministrligi egin jinaýdy asa qysqa merzimde aiaqtaý qajettigin basa aitty.
«2022 jylǵa qajet bolatyn tuqym qaldyrýdy da qamtamasyz etsin. Indýstriia ministrligi «Qazaqstan temir joly» kompaniiasymen birge astyqty turaqty tasymaldaý úshin jyljymaly qurammen qamtamasyz etý is-sharalaryn qabyldasyn», - degen Premer-Ministr bul jumystardy jalpy úilestirý men baqylaýdy orynbasary Roman Skliarǵa tapsyrdy.
