جاڭا استىقتىڭ ساپالىق كٶرسەتكٸشتەرٸ ايتارلىقتاي جوعارى. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«جاڭا استىقتىڭ ساپالىق كٶرسەتكٸشتەرٸ ايتارلىقتاي جوعارى. دەنماڭىزى 28 پايىزدان جوعارى بيداي كٶلەمٸ - جينالعان استىقتىڭ جالپى كٶلەمٸنٸڭ 74 پايىزىنا جەتتٸ. ەلەمدٸك نارىقتا وسىنداي ساپاسى جوعارى بيدايعا سۇرانىس جوعارى ەكەنٸن ەسكەرۋ قاجەت. فورۆاردتىق ساتىپ الۋ باعدارلاماسى اياسىندا «ازىق-تٷلٸك كورپوراتسيياسىنا» بيداي جەتكٸزۋدٸ قامتاماسىز ەتۋ كەرەك», - دەدٸ اسقار مامين.
ٷكٸمەت باسشىسى وبلىستاردىڭ ەكٸمدٸكتەرٸ مەن اۋىل شارۋاشىلىعى مينيسترلٸگٸ ەگٸن جيناۋدى اسا قىسقا مەرزٸمدە اياقتاۋ قاجەتتٸگٸن باسا ايتتى.
«2022 جىلعا قاجەت بولاتىن تۇقىم قالدىرۋدى دا قامتاماسىز ەتسٸن. يندۋسترييا مينيسترلٸگٸ «قازاقستان تەمٸر جولى» كومپانيياسىمەن بٸرگە استىقتى تۇراقتى تاسىمالداۋ ٷشٸن جىلجىمالى قۇراممەن قامتاماسىز ەتۋ ٸس-شارالارىن قابىلداسىن», - دەگەن پرەمەر-مينيستر بۇل جۇمىستاردى جالپى ٷيلەستٸرۋ مەن باقىلاۋدى ورىنباسارى رومان سكليارعا تاپسىردى.
