Apta saiyn ótetin apparat májilisinde qala ákimi qalany damytýdyń jańa úlgisin qurýǵa tapsyrma berdi, dep habarlaidy "Ult aqparat" qala ákimdiginiń baspasóz qyzmetine silteme jasap.
«Memleket basshysy bizdiń aldymyzǵa jaqyn arada oryndalýy tiis birqatar basym mindetterdi qoiyp otyr», – dep málimdedi Baqyt Sultanov.
Qalany damytýdyń jańa úlgisin engizý jáne innovatsiialardy ilgeriletý, kreativti adamdar sanyn kóbeitý úshin qolaily orta qurý 2050 jylǵa deiin qalany damytýdyń uzaq merzimdi strategiiasyn ázirleýdi talap etedi. Jańa strategiiany qurý jónindegi tapsyrmany Memleket basshysy osy jyldyń 11 qyrkúieginde bergen bolatyn.
Ákim qaladaǵy qazirgi ahýalǵa keshendi túrde taldaý ótkizip, strategiialyq maqsatty anyqtaýdy, bolashaqtyń qandai bolatynyn boljaýdy tapsyrdy: iaǵni ómir sapasyn arttyrý, qalalyq ortanyń úilesimdiligi, turaqty ekonomikalyq ósim, resýrstardy tiimdi paidalaný jáne t.b.
Elordanyń jańa strategiialyq damý úlgisi ózine «Astana» halyqaralyq qarjy ortalyǵy sheńberinde isker qarjylyq habty qosýy kerek. Bul baǵyt sonymen qatar týrizm indýstriia salasyn keńeitý boiynsha jumysty kúsheite túsýdi talap etedi.
«Osyǵan bailanysty isker týrizm salasynda aldyńǵy qatarly halyqaralyq uiymdarmen halyqaralyq áriptestikti nyǵaitýdy tapsyramyn. Týrizm salasynda qyzmet kórsetý servisiniń sapasyn halyqaralyq standarttarǵa kóterý óte mańyzdy», – dedi ákim.
Ásirese qalalyqtardyń qolaily ómir súrýi úshin jasalatyn igilikterge erekshe kóńil bóliný kerektigi tapsyryldy: abattandyrý, áleýmettik obektilerdi salý, turǵyn úi qurylysy.
B. Sultanov osy jyly josparlanǵan jalpy alańy 2,3 mln sharshy metrden kem emes turǵyn úilerdi paidalanýǵa berýdi tapsyrdy (Jyl basynan beri 1699,6 myń sharshy metr turǵyn úi paidalanýǵa berildi). «Ákimdiktiń jumysy Memleket basshysy atap ótken bes áleýmettik bastamany júzege asyrýǵa baǵyttalýy kerek, – dep airyqsha toqtaldy B. Sultanov. – Osy mindetterdi atqarý jańa jumys oryndaryn ashýǵa jáne qalanyń ary qarai ekonomikasyn damytýǵa áser etedi».
