«Jańa adamdar» qozǵalysynyń 30 shaqty baǵyty bar. Bul týraly «Jańa adamdar» qozǵalysynyń jetekshisi Ásel Bádenova YouTube jelisindegi «Arman Abdolla» arnasyna suhbat berý kezinde aitty, dep Ult.kz habarlaidy Skifnews.kz aqparat portalyna siltememen .
«Bizdiń qozǵalys 30-ǵa jýyq baǵyt boiynsha jumys isteidi. Solardyń ishindegi nátijelisi zań jobasy. Bul boiynsha 16 jastaǵy jasóspirimder kámelettik jasqa tolmaǵandarǵa alkogoldik ishimdik satýǵa bolmaityn oryndarǵa baryp, «qupiia túrde» saýda jasaidy. Satýshydan «ishimdi satasyz ba?» dep suraidy. Al álgi dúkende zań boiynsha ishimdik satpaýy kerek. Sosyn biz «Jańa adamdar» qozǵalysynyń belsendilerimiz» dep moiyndaimyz. Biz «kámelettik jasqa tolmaǵandarǵa alkogoldik ishimdik satýǵa bolmaidy» dep aitamyz. Bul jerde satýshylar tarapynan ashý-yza týyndaidy. Tipti satýshy qyz bizdiń belsendilerge qol kótergen sátter de boldy. Bir qyzyǵy, dúkenderdi kámeletke tolmaǵandarǵa ishimdik satyp jatqanyn kórgen, kassada kezekter turǵan adamdar úndemeidi, zańdy bilse de aitpaidy. Bul jerde protseske qatysyp jatqan úsh tarap bar. Olar: satýshy, dúken iesi jáne sol dúkenge kelgen basqa da kýágerler. Osy jaǵdaiǵa basqalardyń nemquraily qaraýy – bul jaǵdaidy qoǵamda qalypty nársege ainalyp ketkenin kórsetedi, – dedi Ásel Bádenova.
Aita keteiik, jelide burynnan belgili «Jańa Adamdar» jastar qozǵalysynyń qyzmeti týraly video paida boldy.
Eske salsaq, 2023 jyly Jańa Adamdar qazaqstandyqtardy tolǵandyratyn máselelerdi sheshý úshin túrli kóshe aktsiialaryn ótkizgen bolatyn. Olardyń eń shýlysy 2023 jyldyń qarashasynda boldy. Almatyda qazaq qoǵamyndaǵy zorlyq-zombylyqqa qarsy «Janýarlar álemine JOQ dep ait» aktsiiasyna 600-den astam adam jinaldy.
YouTube jelisindegi «Arman Abdolla» arnasynda «Jańa adamdar» qozǵalysynyń jetekshisi Ásel Bádenova bul mitingtiń qalai josparlanǵany men daiyndalǵany, ony ótkizýge Almaty ákimdiginen qalai ruqsat alǵany, uiymdastyrýshylardyń qandai problemalar bar ekeni týraly aityp berdi.
