«Orta bilim salasyndaǵy memlekettik-jekeshelik áriptestik: jekemenshik mektepter» taqyrybynda ótken onlain konferentsiiada QR Bilim jáne ǵylym vitse-ministri Bibigúl Asylova jan basyna qarjylandyrýdyń nátijesi týraly aitty, dep habarlaidy QazAqparati.
«Búgingi tańdaǵy nátije jaqsy. Biz bul jobany iske asyryp, Nur-Sultan, Almaty jáne Shymkent qalalaryna jan basyna qarjylandyrýdy engizdik. Onyń taǵy bir nátijesi – jeke menshik mektepterge memlekettik bilim berý tapsyrysyn ornalastyrý boldy. Bul ádis orta bilim salasyndaǵy memlekettik-jeke menshik seriktestikke qatysty máselelerdi kóterýge sebep boldy. Byltyr 70 jańa mektep ashyldy. Bul degenimiz – 20 myń oqýshy qamtyldy degen sóz. Mundai nátije elimizde táýelsizdik alǵaly bolǵan joq», - deidi QR Bilim jáne ǵylym vitse-ministri Bibigúl Asylova.
Onyń aitýynsha, ár aimaqta oqýshylarǵa oryn jetispeý, úsh aýysymmen bilim berý – ózekti másele bolyp qalyp otyr.
«Biz mul máseleni uzaq ýaqyttan beri sheshýge talpynyp kelemiz. Biznes, jeke seriktestiktiń qatysýynsyz bul máseleni sheshý qiyn ekenin túsinemiz. Jan basyna qarjylandyrý arqyly memleket kóp shyǵynnan arylady», - deidi ol.
