Jambyl oblysy Politsiia departamentiniń qyzmetkerleri "Brakoner" jedel aldyn alý is-sharasy barysynda "Sapsan" jedel qyzmeti inspektorlarymen birlesip, brakonerlik deregin jasady degen kúdikpen Talas aýdanynyń 48 jastaǵy turǵynyn ustady, dep habarlaidy "Ult aqparat" Jambyl oblysy Politsiia departamentine silteme jasap.
Kúdikti turyp jatqan qumdy aimaqtaǵy sharýa qojalyǵyn tekserý barysynda Qyzyl kitapqa engen qaraquiryq janýarynyń týshasy sondai-aq 2 tegis uńǵyly qarý tabylyp, tárkilendi.
Qazirgi tańda zańsyz ań aýlaý deregi boiynsha sotqa deiingi tergeý amaldary bastaldy. Sot saraptamalary taǵaiyndaldy.
Jambyl oblysynyń Politsiia departamenti aǵymdaǵy jyldyń 1- 29 aqpany aralyǵynda aimaqta "Brakoner" jedel-aldyn alý is-sharasy ótkizilip jatqanyn habarlaidy. Osyǵan bailanysty, janýarlar men qustardy zańsyz atpaýdy, flora jáne faýna dúniesindegi zań talaptaryn qatań saqtaýdy eskertedi.
