Foto: Polisia.kz
Jambyldyq politseiler ishinde tapshany bar avtokólikti anyqtady, - dep habarlaidy "Ult aqparat" Polisia.kz portalyna silteme jasap.
Politsiia departamenti patrýldik politsiia batalonynyń qyzmetkerleri “Abailańyz, balalar!” jedel-profilaktikalyq is-sharasyn ótkizý kezinde GAZel avtokóligin toqtatqan.
"Tekserý kezinde erekshe derek anyqtaldy, avtokóliktiń salony otyratyn tapshanǵa ainalǵan. Sondai-aq, salon ishinde 12 jolaýshy boldy, onyń 5-eýi - bala.
Júrgizýshige qatysty QR ÁQBtK-niń 590-baby 5-bóligi jáne 590-baby 7-bóligi (Kólik quraldaryn paidalaný qaǵidalaryn buzý) boiynsha ákimshilik hattamalar toltyryldy" - delingen habarlamada.
Azamattyń Qazaqstan Respýblikasynda tólenbegen birneshe aiyppuly bar bolyp shyqty jáne avtokólikti aidaýǵa sotpen tyiym salynǵandyǵy belgili bolǵan.
– Júrgizýshi men jolaýshylar kórshi memlekettiń azamattary ekendigi jáne Reseige tabys tabý úshin bara jatqandyǵy anyqtaldy. Olardyń zańsyz qaita jabdyqtalǵan kólikpen osyndai alys jolǵa shyqqanda ne oilaǵany belgisiz. Eń bastysy, biz, der kezinde toqtatyp, jaýapsyz árekettiń teris nátijesiniń aldyn aldyq. Avtokólik aiyppul turaǵyna qoiyldy. Qyzmet barysynda biz kún saiyn ártúrli jaǵdailarǵa tap bolamyz. Qurmetti jol qozǵalysyna qatysýshylar, jol erejelerin qatań saqtańyzdar! Bul joly barlyǵy sátti bolady nemese qorqynyshty eshteńe bolmaidy dep oilamańyzdar. Eshkim eshnárseden saqtandyrylmaǵan, kez-kelgen ýaqytta kez-kelgen jaǵdai bolýy múmkin! Joldardaǵy qaýipsizdik úshin árqaisyńyz jaýapty ekenińizdi túsinińizder! – deidi Jambyl oblysy PD PPB komandiriniń mindetin atqarýshy Dáýletbek Janǵabylov.
