Foto: jelidegi video kadrlarynan skrin
Áleýmettik jelilerde adamdar Jambyl oblysynda ótken "Qyzǵaldaq mura" is-sharasynyń uiymdastyrýshylaryna narazylyqtaryn jetkizdi. Aitýlarynsha, jinalǵan qonaqtar gúlder bar aimaqqa jete almaǵan. Olardy kólikpen aparý úshin aqsha suraǵan, dep habarlaidy Stan.kz.
Jelidetaraǵan videolar jinalǵan jurtshylyq belgilengen jerge óz betterinshe barýǵa májbúr ekenin aitqan.
Kýágerler bul jerge jetý úshin olardan aqsha talap etilgenin aitty. Biraq Jambyl oblysynyń Óńirlik kommýnikatsiialar qyzmeti muny joqqa shyǵardy.
"Halyqaralyq festivalge qatysýshylardy Qarataý taýlarynda ótetin orynǵa jetkizýdegi qiyndyqtar týraly aitar bolsaq, qatysýshylardyń sany bastapqyda málimdelgen kórsetkishterden asyp ketti. Bul logistika boiynsha qosymsha mindetterdi ýaqytsha týdyrǵanyn habarlaimyz. Jaǵdai tez sheshilip, qosymsha avtobýstar men avtomobilder tartyldy.Taraz qalasynan Eseihan aýylyna deiin turǵyndardy 20 iri avtobýs, Eseihan aýylynan mejeli jerge deiin - 10 Pazik, Niva markaly 40 kólik jetkizdi. Barlyq marshrýtta jedel den qoiý jáne qatysýshylardyń qaýipsizdigin qamtamasyz etý úshin politsiia, TJD jáne jedel meditsinalyq kómek qyzmetteriniń qyzmetkerleri kezekshilik etedi. Barlyq qonaqtar is-shara ótetin jerge aman-esen keldi. Al turǵyndardy taýǵa 100 000 teńgege jetkizýdi usynǵany týraly habarlamalar shyndyqqa janaspaidy", - dep jazdy áleýmettik jelide.
Jelide jurtshlyq báribir de qaitar kezde qiyndyqtar týyndaǵanyn aitqan.
"Jambyl oblysynda qyzǵaldaqtar festivali ótti. 3 myńnan astam adam jinaldy. Keri baǵytta avtobýstar kele almady. Balalar men kári adamdar shamamen 7 shaqyrym jaiaý júrdi", - delingen beinejazbada.
Qatysýshylar sý men uiymdastyrylǵan kólik bolmaǵanyn atap ótti.
"Tek bizde ǵana bári jaqsy dep aita beredi! Al shyndyǵynda balalar sý surap jylap, adamdar jaiaý júredi. Avtobýstarǵa aqy suraidy. Árine árkez tek qara halyq zardap shegedi", "Týrizm men Qazaqstannyń sulýlyǵyn kórsetkenge qarsy emespin. Biraq ony durys uiymdastyrý kerek. Eń aldymen, mundai sharadan keiin adamdar azap shekpeýi kerek. Úige jaǵymsyz emotsiialarmen kelgenimiz óte ókinishti", – dep jazady paidalanýshylar.
