Foto: Department_uz
Kóleńkeli ainalymnan quny 280 mln teńgeden asatyn 122 myń litr etil spirti tárkilendi, dep habarlaidy QMA Jambyl oblysy boiynsha departamenti.
Qazir «BM» JShS men onymen bailanysy bar ózge de kompaniialar basshylyǵyna qatysty qylmystyq top quryp, zańsyz kásipkerlik qyzmetpen ainalysqanyna qatysty tergeý júrgizilip jatyr.
Tergeý deregine sai, Mahmadov Sultannyń basshylyǵymen áreket etken uiymdasqan qylmystyq top mindetti litsenziiasyz Jambyl oblysy aýmaǵynda aktsizdeletin ónim — etil spirtin jappai óndirý, saqtaý, tasymaldaý jáne ótkizý qyzmetin júrgizgen.
— Etil spirtin jetkizýdiń turaqty arnasy jolǵa qoiylyp, ol Jambyl jáne Shyǵys Qazaqstan oblystarynda, sondai-aq Shymkent qalasynda ornalasqan jasyryn tsehtarǵa jóneltilip otyrǵan. Bul tsehtarda jetkizilgen spirtten turǵyndardyń densaýlyǵyna eleýli qaýip tóndiretin sýrrogat alkogol ónimderi daiyndalǵan. Jedel-tergeý is-sharalarynyń nátijesinde kóleńkeli ainalymnan quny 280 mln teńgeden asatyn 122 myń litr etil spirti tárkilendi. Sonymen qatar, óndiristik baza aýmaǵynda júrgizilgen tintý barysynda 18 dana maining jabdyǵy anyqtaldy. Qazirgi ýaqytta tárkileý maqsatynda 7 avtokólikke tyiym salyndy. Uiymdastyrýshy 2 ai merzimge qamaýǵa alyndy. Tergeý jalǵasýda, — delingen habarlamada.
Aita ketý kerek, Mahmadov 2010 jyly dál osyndai qylmys úshin sottalǵan. Zańsyz áreketti jasyrý maqsatynda kúdiktiler óz jumysyn bioetanol men mal azyǵyna arnalǵan qospalardy zańdy túrde óndirý retinde kórsetken. Alaida is júzinde seriktestik aýmaǵynda ónerkásiptik kólemde etil spirtin óndirýge tolyq jabdyqtalǵan jasyryn spirt zaýyty uiymdastyrylǵan. Uiymdastyrýshylar birneshe óńirdi qamtityn ótkizý jelisin qurǵan.
