Jambyl oblysynda altyn izdeýshilerden qarý-jaraq pen altyn tárkilendi, dep habarlaidy "Ult aqparat".
Jambyl oblysynyń Moiynqum aýdanynda 52 jastaǵy Almaty qalasynyń turǵyny uiymdastyrǵan quramynda altyny bar kendi zańsyz óndirý orny anyqtaldy.
Tekserý barysynda tirkelmegen 16 kalibrli bir uńǵyly ańshylyq myltyq, jarylys jumystaryn júrgizýge arnalǵan 8 dana qoldan jasalǵan tutandyrǵysh tabyldy. Bul týraly oblystyq politsiia departamentiniń baspasóz qyzmeti habarlady.
«Atalǵan derekke qatysty Qazaqstan Respýblikasy Qylmystyq kodeksiniń 287-baby 3-bóligi (atys qarýyn (tegis uńǵyly ańshylyq qarýdan basqa), oq-dárilerdi, jarylǵysh zattardy nemese jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) jáne 334-baby (jer qoinaýyn óz betinshe paidalaný) boiynsha sotqa deiingi tergeý amaldary bastaldy. Qajetti saraptamalar taǵaiyndaldy», - delingen vedomstvo habarlamasynda.
