جامبىل وبلىسىندا التىن ٸزدەۋشٸلەردەن قارۋ-جاراق پەن التىن تەركٸلەندٸ, دەپ حابارلايدى "ۇلت اقپارات".
جامبىل وبلىسىنىڭ مويىنقۇم اۋدانىندا 52 جاستاعى الماتى قالاسىنىڭ تۇرعىنى ۇيىمداستىرعان قۇرامىندا التىنى بار كەندٸ زاڭسىز ٶندٸرۋ ورنى انىقتالدى.
تەكسەرۋ بارىسىندا تٸركەلمەگەن 16 كاليبرلٸ بٸر ۇڭعىلى اڭشىلىق مىلتىق, جارىلىس جۇمىستارىن جٷرگٸزۋگە ارنالعان 8 دانا قولدان جاسالعان تۇتاندىرعىش تابىلدى. بۇل تۋرالى وبلىستىق پوليتسييا دەپارتامەنتٸنٸڭ باسپاسٶز قىزمەتٸ حابارلادى.
«اتالعان دەرەككە قاتىستى قازاقستان رەسپۋبليكاسى قىلمىستىق كودەكسٸنٸڭ 287-بابى 3-بٶلٸگٸ (اتىس قارۋىن (تەگٸس ۇڭعىلى اڭشىلىق قارۋدان باسقا), وق-دەرٸلەردٸ, جارىلعىش زاتتاردى نەمەسە جارىلعىش قۇرىلعىلاردى زاڭسىز ساتىپ الۋ, بەرۋ, ٶتكٸزۋ, ساقتاۋ, تاسىمالداۋ نەمەسە الىپ جٷرۋ) جەنە 334-بابى (جەر قويناۋىن ٶز بەتٸنشە پايدالانۋ) بويىنشا سوتقا دەيٸنگٸ تەرگەۋ امالدارى باستالدى. قاجەتتٸ ساراپتامالار تاعايىندالدى», - دەلٸنگەن ۆەدومستۆو حابارلاماسىندا.
