Jambyl oblysynda jaǵdai turaqtaldy. Ahýal jergilikti biliktiń qurǵan jedel shtabtyń baqylaýynda, dep habarlaidy QazAqparat.
Oblys ortalyǵy Taraz qalasynda jappai tártipsizdik saldarynan 200-den asa quqyq qorǵaý qyzmetkeri túrli dene jaraqatyn alǵan.
Jappai tártipsizdikke qatysýshylardyń jalpy sany shamamen 2000 myńǵa jýyq. Bul týraly oblys ákiminiń baspasóz qyzmeti habarlady.
287 adam túrli dene jaraqatyn alyp, 42-adam aýrýhanaǵa jatqyzylǵan. Búlikke qatysýshylardyń basym bóligi 17-25 jas aralyǵyndaǵy jastar.
Jedel operatsiialardyń nátijesinde 295 kúdikti ustalyp, 19-y sottyń sheshimimen qamaýǵa alynyp, qylmystyq is qozǵaldy. Ustalǵandardan 84 birlik qarý-jaraq tárkilendi. Olardyń 114-ine ákimshilik is qozǵalǵan (108 tulǵa 15 táýlikke qamaqqa alynsa, 3-ine aiyppul salynyp, 3-ine eskertý berilgen).
6 memlekettik ǵimarat (oblys ákiminiń apparaty, «Nur Otan» partiia filialy, Politsiia departamenti, qalalyq 3 politsiia bólimi), 149 qyzmettik avtokólik, 4 biznes nysany zardap shekken.
Shyǵyn mólsherin esepteý boiynsha arnaiy komissiia quryldy.
Aldyn-ala esepteýler boiynsha jalpy oblysqa kelgen shyǵyn kólemi shamamen 7,6 mlrd teńgeni quraidy.
Búgingi kúni zardap shekken ákimshilik nysandardy qalpyna keltirý jumystaryna 21 arnaiy tehnika, 160 jumysshy tartylǵan. Jumystar aǵymdaǵy jyldyń aqpan aiynyń sońyna deiin tolyǵymen aiaqtalady dep kózdelýde.
