جامبىل وبلىسىندا جاعداي تۇراقتالدى. احۋال جەرگٸلٸكتٸ بيلٸكتٸڭ قۇرعان جەدەل شتابتىڭ باقىلاۋىندا, دەپ حابارلايدى قازاقپارات.
وبلىس ورتالىعى تاراز قالاسىندا جاپپاي تەرتٸپسٸزدٸك سالدارىنان 200-دەن اسا قۇقىق قورعاۋ قىزمەتكەرٸ تٷرلٸ دەنە جاراقاتىن العان.
جاپپاي تەرتٸپسٸزدٸككە قاتىسۋشىلاردىڭ جالپى سانى شامامەن 2000 مىڭعا جۋىق. بۇل تۋرالى وبلىس ەكٸمٸنٸڭ باسپاسٶز قىزمەتٸ حابارلادى.
287 ادام تٷرلٸ دەنە جاراقاتىن الىپ, 42-ادام اۋرۋحاناعا جاتقىزىلعان. بٷلٸككە قاتىسۋشىلاردىڭ باسىم بٶلٸگٸ 17-25 جاس ارالىعىنداعى جاستار.
جەدەل وپەراتسييالاردىڭ نەتيجەسٸندە 295 كٷدٸكتٸ ۇستالىپ, 19-ى سوتتىڭ شەشٸمٸمەن قاماۋعا الىنىپ, قىلمىستىق ٸس قوزعالدى. ۇستالعانداردان 84 بٸرلٸك قارۋ-جاراق تەركٸلەندٸ. ولاردىڭ 114-ٸنە ەكٸمشٸلٸك ٸس قوزعالعان (108 تۇلعا 15 تەۋلٸككە قاماققا الىنسا, 3-ٸنە ايىپپۇل سالىنىپ, 3-ٸنە ەسكەرتۋ بەرٸلگەن).
6 مەملەكەتتٸك عيمارات (وبلىس ەكٸمٸنٸڭ اپپاراتى, «Nur Otan» پارتييا فيليالى, پوليتسييا دەپارتامەنتٸ, قالالىق 3 پوليتسييا بٶلٸمٸ), 149 قىزمەتتٸك اۆتوكٶلٸك, 4 بيزنەس نىسانى زارداپ شەككەن.
شىعىن مٶلشەرٸن ەسەپتەۋ بويىنشا ارنايى كوميسسييا قۇرىلدى.
الدىن-الا ەسەپتەۋلەر بويىنشا جالپى وبلىسقا كەلگەن شىعىن كٶلەمٸ شامامەن 7,6 ملرد تەڭگەنٸ قۇرايدى.
بٷگٸنگٸ كٷنٸ زارداپ شەككەن ەكٸمشٸلٸك نىسانداردى قالپىنا كەلتٸرۋ جۇمىستارىنا 21 ارنايى تەحنيكا, 160 جۇمىسشى تارتىلعان. جۇمىستار اعىمداعى جىلدىڭ اقپان ايىنىڭ سوڭىنا دەيٸن تولىعىمەن اياقتالادى دەپ كٶزدەلۋدە.
