Foto: primeminister.kz
Ministrdiń tapsyrmasyna sáikes, atalǵan jumys uzaq merzimdi ádistemelik qoldaý formatynda jalǵasady. QR Oqý-aǵartý ministriniń tapsyrmasymen 22-26 qyrkúiek aralyǵynda Jambyl oblysynda bala quqyqtaryn qorǵaý salasynda ádistemelik kómek kórsetý jónindegi jumys toby qyzmet atqarady, dep habarlaidy Ult.kz.
Jańa oqý jylynyń basynda óńirde oryn alǵan qaiǵyly oqiǵalarǵa bailanysty uiymdastyrylǵan bul top pedagogterge qoldaý kórsetýdi, balalardyń qaýipsizdigi men ál-aýqatyn qamtamasyz etýdi maqsat etedi.
Sonymen qatar, quqyqbuzýshylyq sebepterin anyqtaý jáne ata-analarǵa jeke keńes berý, túsindirý jumystary júrgiziledi.
Jumys toby quramyna bilim berý sapasyn qamtamasyz etý jónindegi aýmaqtyq departament ókilderi, óńirlik bala quqyqtary jónindegi ýákil, "Órken" balalardyń ál-aýqatyn arttyrý institýtynyń sarapshylary, "Órleý" biliktilikti arttyrý ulttyq ortalyǵynyń mamandary, Ybyrai Altynsarin atyndaǵy Ulttyq bilim akademiiasynyń ǵalymdary, psihologiialyq qoldaý ortalyqtarynyń direktorlary men tájiribeli sarapshylar kiredi.
Mamandar Taraz qalasy men oblys aýdandaryndaǵy mektepterde bolyp, pedagogtermen, oqýshylarmen jáne ata-analarmen kezdesýler ótkizip, áleýmettik-psihologiialyq ahýaldy zertteidi.
Sonymen qatar, mektep direktorlary, tárbie isi jónindegi orynbasarlary, pedagog-psihologtar men áleýmettik pedagogterge býllingtiń aldyn alý, destrýktivti minez-qulyqty anyqtaý, ata-analarmen tiimdi ózara is-qimyl jasaý jáne psihologiialyq-pedagogikalyq qoldaýdyń sapasyn arttyrý máseleleri boiynsha seminarlar uiymdastyrylady.
Ministrdiń tapsyrmasyna sáikes, bul jumys uzaq merzimdi ádistemelik qoldaý retinde jalǵasady.
