Jambyl oblysynda alǵash ret uiymdastyrylǵan «Úlgili aýyl» óńirlik baiqaýy máresine jetti. Nátijesinde Qordai aýdanyndaǵy Kenen aýyly úzdik shyǵyp, birinshi oryndy ielendi, dep habarlaidy "Ult aqparat".
Jambyl oblysynyń ákimi Berdibek Saparbaevtyv bastamasymen «Úlgili aýyl» óńirlik baiqaýy jariialanyp, oǵan ár aýdannan úlgilige úmitti aýyldary qatysqan bolatyn.
Aýyl ekonomikasynyń ósýi, turǵyndarynyń yntymaǵy men birligi, jastardyń bilimi men tártibi, aýyl tazalyǵy men mádenieti, buqaralyq sporttyń damýy, aýyl jurtynyń bos ýaqytyn tiimdi paidalanýy men aqsaqaldardyń belsendiligi synǵa túsken baiqaý qorytyndysy boiynsha Qordai aýdanyndaǵy Kenen aýyly úzdik shyǵyp, birinshi oryndy ielendi.
Úzdikke úmitkerlerdi oblystaǵy barlyq aýdanda arnaiy qurylǵan jumysshy top osydan biraz ýaqyt buryn aralap, ózara ekshelegen edi.
Baiqaý aiasynda arnaiy qurylǵan jumysshy toptyń qorytyndy hattamasyna sáikes jeńimpazdy oblys ákiminiń orynbasary Erlan Jylqybaev atap ótip, birinshi oryndy ielengen aýyldy jáne ózge de júldeger atanǵan okrýgterdi QR Tuńǵysh Prezidenti kúnine orai marapattaýdy uiymdastyrýshylarǵa tapsyrdy.
Aita keterligi, birinshi orynnyń júlde qory - 5 million teńge.
Kenende aýyl turǵyndaryna qajettiniń bári bar. Salynǵanyna kóp bolmaǵan sý jańa eki qabatty mektep, kózdiń jaýyn alatyn aýyldyq mádeniet úii. Balalardyń bos ýaqytyn tiimdi paidalaný maqsatynda iske qosylǵan balalar men jasóspirimder shyǵarmashylyq ortalyǵy.
Sport alańdary men jańa salynǵan aýyldyq ambýlatoriia jáne aqyn atanyń murajaiy taǵy bar.
Kóp uzamai kenendikter «kógildir otynnyń» qyzyǵyn kórmek. Búginde gazdyń aýylishilik jelileri tartylyp tastalǵan. Sondai-aq, jańa aýyz sý júiesi júrgizilýde.
Sal-serilerdiń sońǵy tuiaǵy sanalatyn Kenen Ázirbaevtyń murajaiyna elimizdiń ár aimaǵynan saiahattap kelýshiler kóp.
Aýylda sý jańa dárigerlik ambýlatoriia, «Erkem-ai» men «Altyn besik» atty balabaqsha jumys jasaidy.
