Jambyl oblysy aýmaǵynda transshekaralyq ózender boiynda sý qoimasyn salý máselesi Úkimettiń erekshe baqylaýynda. Bul jaiynda QR Premer-Ministri Álihan Smaiylovtyń Senat depýtattarynyń saýalyna bergen jaýabynda aitylǵan, dep habarlaidy QazAqparat.
«Jambyl oblysy aýmaǵynda transshekaralyq ózender boiynda sý qoimalaryn salý qajettigi («Aqmola», «Qalǵuty», «Yrǵaity») - sýdy únemdi paidalaný esebinen ónimdilikti arttyrý jónindegi strategiialyq mindetti iske asyrýdaǵy 2021-2025 jyldarǵa arnalǵan «Jasyl Qazaqstan» ulttyq jobasy is-sharalarynyń biri. Joba boiynsha 2022 jylǵa arnalǵan respýblikalyq biýdjetti naqtylaý aiasynda jobalyq-smetalyq qujattamasyn ázirleýge 243,4 mln teńge somasyna tiisti biýdjettik ótinim qaralyp jatyr», - dep atap ótedi Úkimet basshysy.
Onyń aitýynsha, joǵaryda kórsetilgen jobalardy iske asyrý óńirdegi aýyl sharýashylyǵy daqyldarynyń ónimdiligin arttyrýǵa jáne tutastai alǵanda azyq-túlik qaýipsizdigin qamtamasyz etýge baǵyttalǵanyn eskere otyryp, málimdelgen shyǵystar biýdjet zańnamasynyń talaptaryna sáikes basym tártippen qaralady.
«Jalpy Jambyl oblysy aýmaǵynda transshekaralyq ózender boiynda sý qoimasyn salý máselesi Úkimettiń erekshe baqylaýynda», - dedi Álihan Smaiylov.
