Jambyl oblysynda oryn alǵan qar kóshkini saldarynan 7 jaýynger mert boldy, dep habarlaidy "Ult aqparat".
«Biz ol jerde naqty qansha adam bolǵanyn aita almaimyz. Óitkeni, ony Qorǵanys ministrligi habarlaýy tiis. Degenmen, bizdiń málimetimizge sáikes 20-dan astam adam. Qazirgi ýaqytta 10 adam qutqaryldy. Ókinishke orai 7 múrde tabyldy», - dedi QR IIM Tótenshe jaǵdailar komitetiniń resmi ókili Rýslan Imanqulov.
Aita keteiik, buǵan deiin Jambyl oblysy Kóksai shatqalynda oryn alǵan qar kóshkinine qatysty QR Qorǵanys ministrligi resmi málimdeme jasaǵan edi.
Onda: «Jambyl oblysyndaǵy Kóksai shatqalynda ótip jatqan 91678 áskeri bólimi áskeri qyzmetshileriniń jaýyngerlik daiyndyǵy boiynsha josparly sabaǵy barysynda kútpegen jerden qar kóshkini oryn aldy» delingen.
QR IIM Tótenshe jaǵdai komitetimen birlesip izdeý-qutqarý jumystary júrgizilýde. «Ońtústik» óńirlik qolbasshylyǵynda qolbasshynyń basshylyǵymen jedel shtab quryldy, júrgizilgen jumystar jaily egjei-tegjeili aqparat qosymsha habarlanady.
