Jambyldyq politseiler arqar atqan alǵan brakonerdi qolǵa túsirdi, – dep habarlaidy oblystyq politsiia departamentiniń baspasóz qyzmeti.
Jambyl oblystyq politsiia departamentiniń jergilikti politsiia basqarmasynyń tabiǵatty qorǵaý politsiiasy qyzmetkerleri Moiynqum aýdanyndaǵy áriptesterimen birge arqar atyp alý deregimen 51 jastaǵy azamatty ustaǵan. Janýardy atqan Moiynqum aýdany Aqbaqai aýylynyń turǵyny bolyp shyqty.
«Ustalǵan azamat óz kinásin moiyndady. Sot-biologiialyq saraptamanyń qorytyndysyna sáikes, brakonerdiń ań aýlaýy memleketke shamamen 12 million teńge kóleminde zalal keltirgen. Atalǵan fakti boiynsha QR QK 337 baby iaǵni zańsyz ań aýlaý boiynsha sotqa deiingi tergeý bastaldy»,-delingen vedomstvonyń habarlamasynda.
Aita keteiik, arqar «Qyzyl kitapqa» engen erekshe qorǵalýdy qajet etetin janýar.
