Tarazda 12-17 jas aralyǵyndaǵy jasóspirimderdi, sondai-aq júkti jáne bala emizetin áielderdi Pfizer Comirnaty preparatymen vaktsinatsiialaý naýqany bastaldy, dep habarlaidy QazAqparat.
QR Bas sanitar dárigeriniń qaýlysyna sáikes Comirnaty BioNTech/Pfizer vaktsinasymen immýndaý bastaldy.
Oblystyq densaýlyq saqtaý basqarmasynyń basshysy Áset Qalievtiń aitýynsha, 11 qarashada Jambyl oblysyna 40 950 doza vaktsina jetkizildi.
Bul preparatpen 12-17 jastaǵy balalar jáne 16-dan 37 aptaǵa deiingi júkti áielder, sondai-aq emizetin analar egiledi.
21-28 kúnnen keiin vaktsinatsiianyń ekinshi kezeńi júrgiziledi. Osy ýaqytqa deiin halyqtyń nysanaly toptary arasynda aýqymdy aqparattyq-túsindirý jumysy júrgizilgen.
Bul jumystar jalǵasýda.
«Jasóspirimderdi vaktsinalaý balalardyń ata-anasynyń nemese zańdy ókilderiniń jazbasha aqparattandyrylǵan kelisimimen ǵana júrgiziletinin atap ótken jón. Bizdiń oblysta Pfizer vaktsinasymen 139 230 adamdy vaktsinalaý josparlanǵan. Onyń ishinde 92 960 adam - 12-17 jas aralyǵyndaǵy jasóspirimder, 46 270 - júkti jáne bala emizetin áielder. Jaqyn arada óńir boiynsha 441 bilim mekemesiniń meditsinalyq pýnktterinde vaktsinatsiia júrgiziledi»,-dedi basqarma basshysy.
Sondai-aq, Áset Qaliev 22 qarashada revaktsinatsiia bastalatynyn atap ótti.
«Biz virýstyń shtammynyń mýtatsiialanǵanyn kórip otyrmyz, sondyqtan, eń aldymen, 65 jastan asqan qart adamdarǵa, immýndyq júiesi álsiregen adamdarǵa, sondai - aq aldyńǵy shepte júrgen meditsina qyzmetkerlerine, bilim berý mekemeleri men ishki ister qyzmetkerlerine revaktsinatsiia jasaýdy usynamyz»,-dedi ol.
Jalpy, óńirde koronavirýsqa qarsy vaktsinamen barlyǵy 631 300 adamdy qamtý josparlanǵan.
Qazirgi ýaqytta oblystyń 576 myń turǵyny egildi, bul 91%-dan asady.
