Jambyl oblysynyń bas memlekettik sanitar dárigeriniń №40 qaýlysy shyqty. Sol arqyly buǵan deiingi qaýlyǵa birqatar ózgerister men tolyqtyrýlar engizilgen, dep habarlaidy "Ult aqparat" oblys ákimdiginiń resmi saityna silteme jasap.
Jambyl oblysy turǵyndary arasynda koronavirýs infektsiiasynyń odan ári taralýynan saqtandyrý maqsatynda jańa qaýly arqyly oblystyń bas memlekettik sanitar dárigeriniń 2020 jylǵy 27 qazandaǵy №39 qaýlysyna birqatar ózgerister men tolyqtyrýlar engizilgen.
Atap aitqanda, oqý jylynyń ekinshi toqsanynan bastap kontingenti 300 oqýshyǵa deiingi qalalyq jáne aýyldyq mektepter dástúrli formatta oqytýǵa kóshedi. Tek synyptaǵy bala sanyn 15 oqýshydan asyrmaý qajet.
Al jalpy bilim beretin mektepterde - 1 synyptan 5 synypqa deiin, halyqaralyq mektepterde - 7 synypqa deiin kezekshi synypta oqytýǵa ruqsat berilgen.
Sondai-aq, teatrlardyń jumysyna tyiym salynbaityn boldy. Alaida, zaldy tek 50 paiyzǵa deiin toltyryp, kórermen sanynyń 100 adamnan aspaýyn qadaǵalaý kerek.
Kúsheitilgen sanitariialyq-dezinfektsiialyq jáne maska rejimi, áleýmettik qashyqtyq qatań saqtalady.
Osy sekildi belgilengen talaptardy saqtai otyryp, dini obektiler de (meshitter, shirkeýler, soborlar, sinagogalar jáne basqalar) jumys jasamaq.
Degenmen, zaldy tek 30 paiyz toltyryp, kelýshilerdiń sanyn 100 adamnan asyrmaý qajet. Kúsheitilgen sanitariialyq-dezinfektsiialyq rejim saqtalýy tiis.
