Jambyl júk tasymaly bólimshesiniń Taraz-Lýgovoe jol bóliginiń taq jáne jup baǵyttary barlyq poiyzdar úshin jabyldy, dep habarlaidy "Ult aqparat".
«Oǵan Jambyl oblysyndaǵy temir jol jelisinen 250-300 metr aýmaqta oqdárilerdiń jarylýy sebep bolyp otyr», - dep jazdy óziniń Facebook paraqshasynda «Qazaqstan temir joly» ulttyq kompaniiasy BAQ-pen jumys jónindegi departament direktory Qaisar Jumabaiuly.
Jarylys bolǵan aimaqtan 8-10 km qashyqtyqta jatqan Úshbulaq stantsiiasyna Tarazdan órt sóndirýshi poiyz keldi. Sondai-aq órt sóndirýshi poiyz Shý stantsiiasynan da jóneltildi.
Jolaýshylar men júk tasymaldaýshy poiyzdardyń qozǵalysy toqtatyldy.
«Qazirgi tańda Petropavl-Qyzylorda baǵytyndaǵy №75 jáne Mańǵystaý-Almaty-2 baǵytyndaǵy №75 poiyzdary men taǵy 14 júk poiyzy ýaqytynan keshigedi», - delingen habarlamada.
