Foto: kazakhmys
Jambyl oblysynyń Shý aýdanynda «Shatyrkól» apattyq sý aǵyzý kanaly arqyly ótetin kópir qaita jańartylyp, paidalanýǵa berildi. Kópir Dinmuhamed Qonaev atyndaǵy aýyldan Birlik aýylyna qarai baǵyttalǵan temirjol ótkeliniń janynda ornalasqan.
Kópir qurylysynyń apatty jaǵdaiyna bailanysty «Qazaqmys» korporatsiiasy ony jańǵyrtý týraly bastama kóterdi. Jobanyń negizgi mindeti – kólik jáne temirjol infraqurylymy aimaǵynda avtokóliktiń qaýipsiz ári turaqty qozǵalysyn qamtamasyz etý. Jumystyń jalpy quny 360 mln teńgeni qurady. Joba jergilikti atqarýshy organdarmen birlesip júzege asyryldy.
«Biz mundai nysandarǵa tek óndiristik qajettilik retinde emes, áldeqaida aýqymdy turǵydan qaraimyz. Kópir aýdan turǵyndary belsendi paidalanatyn jolda ornalasqan, sondyqtan onyń jaǵdaiyn baǵalaý kezinde basty nazar adamdardyń qaýipsizdigine jáne infraqurylymdyq táýekelderdi azaitýǵa aýdaryldy», – dedi «Qazaqmys korporatsiiasy» JShS Turaqty damý jáne kommýnikatsiialar jónindegi basqarýshy direktor Sáken Shaiahmetov.
Bastapqy kezeńde kópir «Shatyrkól» kenishiniń óndiristik logistikasy úshin paidalanylyp, Birlik temirjol stantsiiasyna júk tasymaldaǵan.
Keiin óndiristik logistika ońtailandyryldy. «Shatyrkól» baiytý fabrikasy iske qosylǵannan keiin shikizat tikelei ken ornynyń ózinde óńdeletin boldy. Qazirgi kezde kópir arqyly tek daiyn kontsentrat tasymaldanady. Jol qozǵalysynyń qarqyny aitarlyqtai azaidy.
Ónerkásiptik júktemeniń azaiǵanyna qaramastan, kópir qoǵamdyq mańyzyn saqtap qaldy. Ol jaqyn mańdaǵy eldi meken turǵyndary men tranzittik avtokólik quraldary úshin qoldanylady. Sondai-aq bul nysan temirjol ótkeli mańyndaǵy negizgi kólik torabynyń biri bolyp qala beredi.
Qurylysty qaita jańǵyrtý kólik qozǵalysy qaýipsizdigin arttyryp, kópirdiń senimdiligin qamtamasyz etti. Ony turaqty jáne uzaq ýaqyt paidalaný úshin barlyq jaǵdai jasaldy.
Jobany júzege asyrý Qazaqmystyń óńirlik infraqurylymdy damytýǵa jáne óndiristik úderis pen turǵyndardyń kúndelikti qozǵalysynyń qaýipsizdigin qamtamasyz etýge degen kózqarasyn kórsetedi.
