فوتو: kazakhmys
جامبىل وبلىسىنىڭ شۋ اۋدانىندا «شاتىركٶل» اپاتتىق سۋ اعىزۋ كانالى ارقىلى ٶتەتٸن كٶپٸر قايتا جاڭارتىلىپ, پايدالانۋعا بەرٸلدٸ. كٶپٸر دٸنمۇحامەد قوناەۆ اتىنداعى اۋىلدان بٸرلٸك اۋىلىنا قاراي باعىتتالعان تەمٸرجول ٶتكەلٸنٸڭ جانىندا ورنالاسقان.
كٶپٸر قۇرىلىسىنىڭ اپاتتى جاعدايىنا بايلانىستى «قازاقمىس» كورپوراتسيياسى ونى جاڭعىرتۋ تۋرالى باستاما كٶتەردٸ. جوبانىڭ نەگٸزگٸ مٸندەتٸ – كٶلٸك جەنە تەمٸرجول ينفراقۇرىلىمى ايماعىندا اۆتوكٶلٸكتٸڭ قاۋٸپسٸز ەرٸ تۇراقتى قوزعالىسىن قامتاماسىز ەتۋ. جۇمىستىڭ جالپى قۇنى 360 ملن تەڭگەنٸ قۇرادى. جوبا جەرگٸلٸكتٸ اتقارۋشى ورگاندارمەن بٸرلەسٸپ جٷزەگە اسىرىلدى.
«بٸز مۇنداي نىساندارعا تەك ٶندٸرٸستٸك قاجەتتٸلٸك رەتٸندە ەمەس, ەلدەقايدا اۋقىمدى تۇرعىدان قارايمىز. كٶپٸر اۋدان تۇرعىندارى بەلسەندٸ پايدالاناتىن جولدا ورنالاسقان, سوندىقتان ونىڭ جاعدايىن باعالاۋ كەزٸندە باستى نازار ادامداردىڭ قاۋٸپسٸزدٸگٸنە جەنە ينفراقۇرىلىمدىق تەۋەكەلدەردٸ ازايتۋعا اۋدارىلدى», – دەدٸ «قازاقمىس كورپوراتسيياسى» جشس تۇراقتى دامۋ جەنە كوممۋنيكاتسييالار جٶنٸندەگٸ باسقارۋشى ديرەكتور سەكەن شاياحمەتوۆ.
باستاپقى كەزەڭدە كٶپٸر «شاتىركٶل» كەنٸشٸنٸڭ ٶندٸرٸستٸك لوگيستيكاسى ٷشٸن پايدالانىلىپ, بٸرلٸك تەمٸرجول ستانتسيياسىنا جٷك تاسىمالداعان.
كەيٸن ٶندٸرٸستٸك لوگيستيكا وڭتايلاندىرىلدى. «شاتىركٶل» بايىتۋ فابريكاسى ٸسكە قوسىلعاننان كەيٸن شيكٸزات تٸكەلەي كەن ورنىنىڭ ٶزٸندە ٶڭدەلەتٸن بولدى. قازٸرگٸ كەزدە كٶپٸر ارقىلى تەك دايىن كونتسەنترات تاسىمالدانادى. جول قوزعالىسىنىڭ قارقىنى ايتارلىقتاي ازايدى.
ٶنەركەسٸپتٸك جٷكتەمەنٸڭ ازايعانىنا قاراماستان, كٶپٸر قوعامدىق ماڭىزىن ساقتاپ قالدى. ول جاقىن ماڭداعى ەلدٸ مەكەن تۇرعىندارى مەن ترانزيتتٸك اۆتوكٶلٸك قۇرالدارى ٷشٸن قولدانىلادى. سونداي-اق بۇل نىسان تەمٸرجول ٶتكەلٸ ماڭىنداعى نەگٸزگٸ كٶلٸك تورابىنىڭ بٸرٸ بولىپ قالا بەرەدٸ.
قۇرىلىستى قايتا جاڭعىرتۋ كٶلٸك قوزعالىسى قاۋٸپسٸزدٸگٸن ارتتىرىپ, كٶپٸردٸڭ سەنٸمدٸلٸگٸن قامتاماسىز ەتتٸ. ونى تۇراقتى جەنە ۇزاق ۋاقىت پايدالانۋ ٷشٸن بارلىق جاعداي جاسالدى.
جوبانى جٷزەگە اسىرۋ قازاقمىستىڭ ٶڭٸرلٸك ينفراقۇرىلىمدى دامىتۋعا جەنە ٶندٸرٸستٸك ٷدەرٸس پەن تۇرعىنداردىڭ كٷندەلٸكتٸ قوزعالىسىنىڭ قاۋٸپسٸزدٸگٸن قامتاماسىز ەتۋگە دەگەن كٶزقاراسىن كٶرسەتەدٸ.
