Memleket basshysy Jambyl oblysynyń ákimi Nurjan Nurjigitovti qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa biylǵy úsh aidaǵy óńirdiń damý kórsetkishteri men Prezident tapsyrmalarynyń oryndalý barysy jáne aldaǵy jospary týraly baiandaldy.
Oblys ákiminiń aitýynsha, óńirge tartylǵan investitsiia kólemi 63,1 milliard teńgege jetken. Sonymen qatar, biyl óńirde quny 100,5 milliard teńge bolatyn 15 investitsiialyq joba iske asyrylyp, 1000-nan astam jumys orny ashylady dep josparlanyp otyr. 2025 jylǵa deiin 75 investitsiialyq joba júzege asyrylady.
Nurjan Nurjigitov Memleket basshysyna 2022 jyly Jambyl oblysynda 810 myń sharshy metr turǵyn úi salynyp, 25 eldi mekenge aýyzsý, 17 aýylǵa gaz tartylatyny jóninde málimet berdi. Sonymen qatar óńirdegi egis alqaby 9,2 myń gektarǵa ulǵaitylyp, aýyl sharýashylyǵy tehnikasy 11 paiyzǵa jańartylatynyn aitty.
Óńir basshysynyń aitýynsha, Prezident tapsyrmasyna sáikes áleýmettik mańyzy bar taýarlardyń baǵasyn turaqtandyrý jumystary júieli túrde atqarylyp jatyr. Sondai-aq Gvardeisk aýylyndaǵy Biologiialyq qaýipsizdik problemalary jónindegi ǵylymi-zertteý institýtynyń bazasynda otandyq immýndyq preparattar shyǵaratyn zaýyttyń jumysy, «BSL-3» óndiristik tsehynyń qurylysy jóninde de esep berildi.
Memleket basshysy baǵany baqylaýda ustaý, halyqtyń tabysyn arttyrý, investitsiia tartý jáne memlekettik baǵdarlamalardy tiimdi júzege asyrý jumystaryn jandandyrý jóninde naqty tapsyrmalar berdi.
