Jambyl oblysynyń 80 jyldyǵyna orai Taraz qalasyndaǵy «Balasaǵun» ortalyq kontsert zalynyń aldyna Kenen Ázirbaevtyń eskertkishi qoiyldy,- dep habarlaidy "Ult aqparat".
Jambyl oblysynyń 80 jyldyǵyna arnalǵan merekelik sharalar legi Kenen Ázirbaev eskertkishiniń ashylý saltanatyna ulasty. Qazaqtyń áigili halyq aqyny, ánshi, kompozitor, Qazaqstannyń eńbek sińirgen óner qairatkeriniń eskertkishi «Balasaǵun» ortalyq kontsert zaly ǵimaratynyń aldyna ornatylǵan.
Kenen Ázirbaev - qazaq ónerindegi sal-serilik jáne aityskerlik dástúrlerdi úzbei, HH ǵasyrdyń 70-jyldaryna deiin jetkizgen ónerpaz. Dastan janryn jastaiynan jyrlaǵan. Qazaq halqynyń aitys óneriniń nasihatshysy. 150-dei án tolǵap, ánderi halyq súiip aitatyn máńgilik rýhani qazynaǵa ainaldy. Kenen Ázirbaevqa biyl - 135 jyl.
Kenen Ázirbaev eskertkishin ashý qurmeti Qazaqstannyń eńbek sińirgen mádeniet qyzmetkeri, kúishi-kompozitor Ábdimomyn Jeldibaev jáne Kenen atamyzdyń urpaǵy Murat Kenenovke buiyrdy.
Saltanatty sharaǵa arnaiy qatysqan QR Mádeniet jáne sport ministri Aqtoty Raiymqulova men aimaq basshysy Asqar Myrzahmetov barsha jurtshylyq atynan eskertkishke gúl shoqtaryn qoidy. Budan soń qonaqtar Qordai aýdandyq K.Ázirbaev ádebi-memorialdyq mýzeii ázirlegen kórmeni tamashalady.
Aita keteiik, jyr alyby – Jambyldyń janynda jarty ǵasyr ýaqyt júrip qazaq aýyz ádebietiniń mol murasymen qanyqqan Kenen aty ult mádenieti tarihynda altyn árippen jazylǵan esim sanalady. Ótken jyly jyr dúldúliniń esimi oblystyq filarmoniiaǵa berilgen bolatyn. Sondyqtan da onyń eskertkishi dál osy oblystyq filarmoniia turǵan «Balasaǵun» ortalyq kontsert zalynyń aldyna qoiylýy óte utymdy usynys bolyp otyr. Demeýshiler qarajaty esebinen salynǵan tas músindi músinshi Kóljigit Temirhan ázirlegen.
