جامبىل وبلىسىنىڭ 80 جىلدىعىنا وراي تاراز قالاسىنداعى «بالاساعۇن» ورتالىق كونتسەرت زالىنىڭ الدىنا كەنەن ەزٸرباەۆتىڭ ەسكەرتكٸشٸ قويىلدى,- دەپ حابارلايدى "ۇلت اقپارات".
جامبىل وبلىسىنىڭ 80 جىلدىعىنا ارنالعان مەرەكەلٸك شارالار لەگٸ كەنەن ەزٸرباەۆ ەسكەرتكٸشٸنٸڭ اشىلۋ سالتاناتىنا ۇلاستى. قازاقتىڭ ەيگٸلٸ حالىق اقىنى, ەنشٸ, كومپوزيتور, قازاقستاننىڭ ەڭبەك سٸڭٸرگەن ٶنەر قايراتكەرٸنٸڭ ەسكەرتكٸشٸ «بالاساعۇن» ورتالىق كونتسەرت زالى عيماراتىنىڭ الدىنا ورناتىلعان.
كەنەن ەزٸرباەۆ - قازاق ٶنەرٸندەگٸ سال-سەرٸلٸك جەنە ايتىسكەرلٸك دەستٷرلەردٸ ٷزبەي, حح عاسىردىڭ 70-جىلدارىنا دەيٸن جەتكٸزگەن ٶنەرپاز. داستان جانرىن جاستايىنان جىرلاعان. قازاق حالقىنىڭ ايتىس ٶنەرٸنٸڭ ناسيحاتشىسى. 150-دەي ەن تولعاپ, ەندەرٸ حالىق سٷيٸپ ايتاتىن مەڭگٸلٸك رۋحاني قازىناعا اينالدى. كەنەن ەزٸرباەۆقا بيىل - 135 جىل.
كەنەن ەزٸرباەۆ ەسكەرتكٸشٸن اشۋ قۇرمەتٸ قازاقستاننىڭ ەڭبەك سٸڭٸرگەن مەدەنيەت قىزمەتكەرٸ, كٷيشٸ-كومپوزيتور ەبدٸمومىن جەلدٸباەۆ جەنە كەنەن اتامىزدىڭ ۇرپاعى مۇرات كەنەنوۆكە بۇيىردى.
سالتاناتتى شاراعا ارنايى قاتىسقان قر مەدەنيەت جەنە سپورت مينيسترٸ اقتوتى رايىمقۇلوۆا مەن ايماق باسشىسى اسقار مىرزاحمەتوۆ بارشا جۇرتشىلىق اتىنان ەسكەرتكٸشكە گٷل شوقتارىن قويدى. بۇدان سوڭ قوناقتار قورداي اۋداندىق ك.ەزٸرباەۆ ەدەبي-مەموريالدىق مۋزەيٸ ەزٸرلەگەن كٶرمەنٸ تاماشالادى.
ايتا كەتەيٸك, جىر الىبى – جامبىلدىڭ جانىندا جارتى عاسىر ۋاقىت جٷرٸپ قازاق اۋىز ەدەبيەتٸنٸڭ مول مۇراسىمەن قانىققان كەنەن اتى ۇلت مەدەنيەتٸ تاريحىندا التىن ەرٸپپەن جازىلعان ەسٸم سانالادى. ٶتكەن جىلى جىر دٷلدٷلٸنٸڭ ەسٸمٸ وبلىستىق فيلارمونيياعا بەرٸلگەن بولاتىن. سوندىقتان دا ونىڭ ەسكەرتكٸشٸ دەل وسى وبلىستىق فيلارمونييا تۇرعان «بالاساعۇن» ورتالىق كونتسەرت زالىنىڭ الدىنا قويىلۋى ٶتە ۇتىمدى ۇسىنىس بولىپ وتىر. دەمەۋشٸلەر قاراجاتى ەسەبٸنەن سالىنعان تاس مٷسٸندٸ مٷسٸنشٸ كٶلجٸگٸت تەمٸرحان ەزٸرلەگەن.
