Jambyl oblysyndaǵy injenerlik oq-dáriler qoimasynyń aýmaǵynda jarylys boldy, - dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Vedomstvo habaryna qaraǵanda, 2021 jyldyń 10 qazanynda saǵat 7.20 shamasynda Jambyl oblysynyń Sarykemer aýylyndaǵy injenerlik oq-dáriler qoimasynyń aýmaǵynda buryn zaqymdanǵan jarylǵysh zattar órtendi.
"Jarylys saldarynan oq-dárilerdiń qaldyqtary men bólshekteri jan-jaqqa ushpaǵan. Bul jumystan tys ýaqytta boldy. Jaqyn jerde adamdar bolmaǵan. Ǵimarattar men qurylystar zaqymdalmaǵan. Aýdandaǵy ahýal turaqty", - delingen habarlamada.
Ministrlik baspasóz qyzmetiniń málimetinshe, aldaǵy ýaqytta da bundai jaǵdailar bolýy múmkin.
Qazirgi ýaqytta biyl 26 tamyzda órtengen qoimanyń tehnikalyq aýmaǵyn jarylǵysh zattardan tazartý jumystary jalǵasyp jatyr.
Eske salaiyq, 26 tamyzda Jambyl oblysy Baizaq aýdanynda ornalasqan áskeri bólimde saǵat 19.00 shamasynda qoimalardyń biriniń mańynda órt shyqqan bolatyn. Órt saldarynan on shaqty jarylys bolǵan edi.
