جامبىل وبلىسىنداعى ينجەنەرلٸك وق-دەرٸلەر قويماسىنىڭ اۋماعىندا جارىلىس بولدى, - دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆو حابارىنا قاراعاندا, 2021 جىلدىڭ 10 قازانىندا ساعات 7.20 شاماسىندا جامبىل وبلىسىنىڭ سارىكەمەر اۋىلىنداعى ينجەنەرلٸك وق-دەرٸلەر قويماسىنىڭ اۋماعىندا بۇرىن زاقىمدانعان جارىلعىش زاتتار ٶرتەندٸ.
"جارىلىس سالدارىنان وق-دەرٸلەردٸڭ قالدىقتارى مەن بٶلشەكتەرٸ جان-جاققا ۇشپاعان. بۇل جۇمىستان تىس ۋاقىتتا بولدى. جاقىن جەردە ادامدار بولماعان. عيماراتتار مەن قۇرىلىستار زاقىمدالماعان. اۋدانداعى احۋال تۇراقتى", - دەلٸنگەن حابارلامادا.
مينيسترلٸك باسپاسٶز قىزمەتٸنٸڭ مەلٸمەتٸنشە, الداعى ۋاقىتتا دا بۇنداي جاعدايلار بولۋى مٷمكٸن.
قازٸرگٸ ۋاقىتتا بيىل 26 تامىزدا ٶرتەنگەن قويمانىڭ تەحنيكالىق اۋماعىن جارىلعىش زاتتاردان تازارتۋ جۇمىستارى جالعاسىپ جاتىر.
ەسكە سالايىق, 26 تامىزدا جامبىل وبلىسى بايزاق اۋدانىندا ورنالاسقان ەسكەري بٶلٸمدە ساعات 19.00 شاماسىندا قويمالاردىڭ بٸرٸنٸڭ ماڭىندا ٶرت شىققان بولاتىن. ٶرت سالدارىنان ون شاقتى جارىلىس بولعان ەدٸ.
