Jambyl oblysyndaǵy áskeri bólimde 6 jarylys oryn aldy. Resmi aqparatty QR Qorǵanys ministrligi taratty, dep habarlaidy "Ult aqparat".
«Búgin Jambyl oblysyndaǵy ákeri bólim qoimalarynyń birinde saǵat shamamen 19:00-de órt shyqty. Órtti sóndirý jumystary jalǵasýda. Áskeri bólimniń órt sóndirý komandasy men órtti sóndirýge arnalǵan shynjyrly arnaýly tehnikasy, sonymen qatar Jambyl oblystyq TJD órt sóndirý toptary jumyldyrylǵan. Qoimada negizinen injenerlik oq-dári saqtalǵan jáne olar alys qashyqtyqqa ushpaidy. Jalpy 6 jarylys oryn aldy», - dep habarlady ministrlikten.
Vedomstvo málimetinshe, turǵyndardyń qaýipsizdigi úshin áskeri bólimge jaqyn úilerdiń adamdary qaýipsiz jerge kóshirilgen. Qazirgi ýaqytta meditsinalyq kómekke júgingen 32 zardap shegýshi týraly aqparat bar. Onyń 10-y áskeri qyzmetshi.
Oqiǵa ornyna Qorǵanys jáne Tótenshe jaǵdailar ministrleri, Qorǵanys ministriniń orynbasary, Qorǵanys vedomstvosynyń komissiiasy mingen Áskeri áýe kúshteriniń áskeri-tehnikalyq aviatsiia borty ushyp ketti.
