Jambyl oblysyndaǵy áskeri bólimde 10-nan astam jarylys bolǵan. Bul týraly QR Qorǵanys ministri Nurlan Ermekbaev málim etti, dep habarlaidy QazAqparat.
«26 tamyz kúni saǵat 18:45-te Ońtústik óńirlik qolbasshylyǵynyń injenerlik oq-dáriger bazasynda qoimalardyń birinen órt shyqty. Órtti sóndirýge áskeri bólimniń quramynda 3 top bar órt sóndirý komandasy shuǵyl kirisken. Áskeri bólim boiynsha kezekshi bul jaiynda Ońtústik óńirlik qolbasshylyq qolbasshysy jedel kezekshilik basqarmasyna habarlaǵan», - dedi ministr Jambyl óńirlik kommýnikatsiialar qyzmetindegi baspasóz máslihaty barysynda.
Onyń atap ótýinshe, bastapqy kezeńde órtti sóndirýge 500 adam jumyldyrylǵan. Keiin olardyń sany 1 myń adamǵa, órt sóndirý mashinalarynyń sany 24-ke jetkizilgen.
«Qabyldanǵan is-sharalarǵa qaramastan órt shyqqannan keiin 1 saǵattan soń alǵashqy jarylys oryn aldy. Jalpy qýaty shaǵyn 10-nan astam jarylys bolǵan. Atalǵa bazada injenerlik oq-dáriger saqtalady. Olardyń bir bóligi osydan eki jyl buryn Arys qalasynan jetkizilgen edi», - dedi Nurlan Ermekbaev.
