Foto: ashyq derekkóz
Jambyl oblysynda jeke sot oryndaýshysynyń ókilettigin teris paidalaný deregi anyqtaldy. Bul týraly prokýratýra habarlady.
Tergeý málimetinshe, boryshkerlerden óndirilgen 3,9 mln teńge memleket pen bank uiymdaryna aýdarylýy tiis bolǵanymen, ol qarajat jeke sot oryndaýshysynyń jeke shotyna túsip, óz qajetine jumsalǵan.
Atalǵan derek boiynsha Qylmystyq kodekstiń 251-baby 2-bóligimen qylmystyq is qozǵalyp, is sotqa joldandy.
Prokýratýranyń málimetinshe, 2026 jyldyń alǵashqy toqsanynda júrgizilgen tekserýler nátijesinde 168 adam jaýapkershilikke tartylyp, onyń 81-i jeke sot oryndaýshylary bolǵan. Sonymen qatar aliment tóleýden jaltarǵan 6 adamǵa qatysty da qylmystyq ister qozǵalǵan.
Vedomstvonyń aralasýymen jalpy 220 mln teńge kólemindegi bereshek óndirilgen.
Prokýratýra azamattardyń quqyqtaryn qorǵaý baǵytyndaǵy jumystar jalǵasatynyn jáne atqarýshylyq is júrgizý qatysýshylary zań talaptaryn qatań saqtaýy qajet ekenin eskertti.
