فوتو: اشىق دەرەككٶز
جامبىل وبلىسىندا جەكە سوت ورىنداۋشىسىنىڭ ٶكٸلەتتٸگٸن تەرٸس پايدالانۋ دەرەگٸ انىقتالدى. بۇل تۋرالى پروكۋراتۋرا حابارلادى.
تەرگەۋ مەلٸمەتٸنشە, بورىشكەرلەردەن ٶندٸرٸلگەن 3,9 ملن تەڭگە مەملەكەت پەن بانك ۇيىمدارىنا اۋدارىلۋى تيٸس بولعانىمەن, ول قاراجات جەكە سوت ورىنداۋشىسىنىڭ جەكە شوتىنا تٷسٸپ, ٶز قاجەتٸنە جۇمسالعان.
اتالعان دەرەك بويىنشا قىلمىستىق كودەكستٸڭ 251-بابى 2-بٶلٸگٸمەن قىلمىستىق ٸس قوزعالىپ, ٸس سوتقا جولداندى.
پروكۋراتۋرانىڭ مەلٸمەتٸنشە, 2026 جىلدىڭ العاشقى توقسانىندا جٷرگٸزٸلگەن تەكسەرۋلەر نەتيجەسٸندە 168 ادام جاۋاپكەرشٸلٸككە تارتىلىپ, ونىڭ 81-ٸ جەكە سوت ورىنداۋشىلارى بولعان. سونىمەن قاتار اليمەنت تٶلەۋدەن جالتارعان 6 ادامعا قاتىستى دا قىلمىستىق ٸستەر قوزعالعان.
ۆەدومستۆونىڭ ارالاسۋىمەن جالپى 220 ملن تەڭگە كٶلەمٸندەگٸ بەرەشەك ٶندٸرٸلگەن.
پروكۋراتۋرا ازاماتتاردىڭ قۇقىقتارىن قورعاۋ باعىتىنداعى جۇمىستار جالعاساتىنىن جەنە اتقارۋشىلىق ٸس جٷرگٸزۋ قاتىسۋشىلارى زاڭ تالاپتارىن قاتاڭ ساقتاۋى قاجەت ەكەنٸن ەسكەرتتٸ.
