video kadry
Jambyl oblysynda jedel járdem kóligi apatqa ushyrady, - dep habarlaidy Tengrinews.kz saity.
Oqiǵa Lýgovoe aýylynda bolǵan. Jedel járdem naýqasty Tarazǵa alyp bara jatqan. Jolda Mercedes qarsy jolaqqa shyǵyp ketken. 31 jastaǵy jedel járdem júrgizýshisi soqtyǵysýdy boldyrmaýǵa tyrysyp, qarsy jolaqqa burylyp, jol talǵamaityn kólikti soǵyp kete jazdaǵan. Janama soqqydan jedel járdem kóligi búiirine qulaǵan.
Feldsher jaraqat alyp, aýrýhanaǵa jetkizilgen. Oqiǵaǵa joldaǵy kóktaiǵaq sebep bolýy múmkin deidi kýágerler.
"Osy derek boiynsha jedel járdem kóliginiń júrgizýshisi QR ÁQBtK-niń 610-babynyń 2-bóligi boiynsha ákimshilik jaýapkershilikke tartyldy. Birqatar qajetti saraptamalar taǵaiyndaldy. Oqiǵaǵa qatysty jaýapkershilikti anyqtaý úshin avtotehnikalyq saraptama taǵaiyndaldy", - dedi Jambyl oblysy ákimdigi baspasóz qyzmetiniń jetekshisi Gúlsara Muhtarqulova.
