ۆيدەو كادرى
جامبىل وبلىسىندا جەدەل جەردەم كٶلٸگٸ اپاتقا ۇشىرادى, - دەپ حابارلايدى Tengrinews.kz سايتى.
وقيعا لۋگوۆوە اۋىلىندا بولعان. جەدەل جەردەم ناۋقاستى تارازعا الىپ بارا جاتقان. جولدا Mercedes قارسى جولاققا شىعىپ كەتكەن. 31 جاستاعى جەدەل جەردەم جٷرگٸزۋشٸسٸ سوقتىعىسۋدى بولدىرماۋعا تىرىسىپ, قارسى جولاققا بۇرىلىپ, جول تالعامايتىن كٶلٸكتٸ سوعىپ كەتە جازداعان. جاناما سوققىدان جەدەل جەردەم كٶلٸگٸ بٷيٸرٸنە قۇلاعان.
فەلدشەر جاراقات الىپ, اۋرۋحاناعا جەتكٸزٸلگەن. وقيعاعا جولداعى كٶكتايعاق سەبەپ بولۋى مٷمكٸن دەيدٸ كۋەگەرلەر.
"وسى دەرەك بويىنشا جەدەل جەردەم كٶلٸگٸنٸڭ جٷرگٸزۋشٸسٸ قر ەقبتك-نٸڭ 610-بابىنىڭ 2-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلدى. بٸرقاتار قاجەتتٸ ساراپتامالار تاعايىندالدى. وقيعاعا قاتىستى جاۋاپكەرشٸلٸكتٸ انىقتاۋ ٷشٸن اۆتوتەحنيكالىق ساراپتاما تاعايىندالدى", - دەدٸ جامبىل وبلىسى ەكٸمدٸگٸ باسپاسٶز قىزمەتٸنٸڭ جەتەكشٸسٸ گٷلسارا مۇحتارقۇلوۆا.
