Jambyl oblysynda jalǵan qujat daiyndaýmen ainalysqandar ustaldy, - dep habarlaidy Polisia.kz portaly.
"Jambyl oblysy Politsiia departamenti Uiymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizý kezinde kólik quralyn tirkeýdiń jalǵan kýálikterin (tehnikalyq pasporttardy) daiyndaǵany úshin Shý aýdanynyń Mamandandyrylǵan halyqqa qyzmet kórsetý ortalyǵynyń qyzmetkeri jáne onyń sybailasy - osy mekemeniń burynǵy qyzmetkeri ustaldy.
Áiel deldal retinde áreket etken. 150 myń teńge kólemindegi zańsyz aqshalai syiaqy úshin sybailasymen birge qujattardy burmalaý jolymen jalǵan tehnikalyq pasporttardy daiyndaýmen jáne ótkizýmen ainalysqan.
Tintý barysynda kúdiktiniń atyna 8 plastikalyq bankomat kartochkasy, 41 daiyn jalǵan tehnikalyq pasport, tehnika jáne odan ári jalǵan qujattardy daiyndaý úshin daiyndalǵan 500 dana plastikalyq kartochka tabyldy jáne tárkilendi" - delingen habarlamada.
Osy derekke qatysty Qazaqstan Respýblikasy Qylmystyq kodeksiniń 385-baby 2-bóligi (Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daiyndaý nemese ótkizý) boiynsha sotqa deiingi tergeý amaldary bastalǵan.
Birqatar tiisti saraptamalar taǵaiyndalyp, istiń basqa da jaǵdailary anyqtalyp jatyr.
