Foto: gov.kz
2023 jyldyń aiaǵynda jedel tergeý áreketteriniń nátijesi boiynsha Pákistan, Aýǵanstan, Qyrǵyzstan jáne Bangladesh elderiniń 20 azamatyna qatysty zańsyz kóshi-qondy uiymdastyrǵan 4 tulǵa ustaldy.
Atalǵan fakti boiynsha Qordai aýdandyq PB-men QK-niń 394-babynyń 2-bóligi boiynsha (adamdar tobynyń aldyn ala sóz bailasýymen zańsyz kóshi-qondy uiymdastyrý) qylmystyq is tergep-tekserildi.
Qordai aýdandyq sotynyń úkimderimen 24 adam túrli merzimge bas bostandyǵynan aiyryldy.
Sonymen qatar Ońtústik Aziianyń 20 azamaty merzimin ótegennen keiin elden shyǵaryldy.
Sot úkimderi zańdy kúshine endi.
Osyǵan uqsas aýdan prokýratýrasynyń úilestirý jumystarynyń nátijesinde Nepal Respýblikasynyń 10 azamatyna qatysty zańsyz kóshi-qondy uiymdastyrǵan 2 qylmysker quryqtalyp, 12.05.2024 jylǵy sot sanktsiiasymen qamaqqa alyndy.
Qazirgi tańda atalǵan derek boiynsha QK-niń 394-babynyń 2-bóligi boiynsha sotqa deiingi tergep-tekserý júrgizilýde.
QPK-niń 201-babynyń talaptaryna sáikes basqa málimetter jariialanýǵa jatpaidy.
Atalǵan baǵyttaǵy jumystar jalǵasýda.
